Chapter 64

Tinaasan tuloy siya ni Drake ng dalawa nitong kilay bago ito nagsalita sa kanya. Kitang-kita niya ang pagkuyom ng mga kamao nito sa harapan niya. Nakahanda naman siya sa posibleng gawin nito sa kanya. 'Pag binugbog siya nito ay handa niyang depensahan ang kanyang sarili. Wala naman siyang ginagawang masama laban dito.

"Sa tingin mo ba ay aabot ka pa sa araw kung saan aalis rin siya sa mansion ko at aalis ka na rin, huh?! Hindi. Diego, mas mauuna kang umalis sa mansion ko kaysa sa kanya! Simula sa araw na 'to ay hindi ka na magtatrabaho sa akin! You're fired! Naintindihan mo ba?!" singhal ni Drake sa kanya.

Hindi ni Diego maintindihan kung bakit pinapaalis na siya ni Drake. Wala naman siyang ginagawang kasalanan dito. Kasalanan ba niya na aminin na gusto niya si Rizza at may plano siyang maangkin ito? Kasalanan ba ang ginagawa niyang 'yon? Kasalanan ba na mahalin niya si Rizza? Wala naman itong boyfriend. Hindi rin naman ito pagmamay-ari ni Drake.

"Bakit mo po ba ako pinapaalis na, hu