Chapter 23: Not enough

"Sino 'yun, Madam?! Bakit mukhang timang ka riyan kung makangiti?"

Napaigtad ako nang biglang sumulpot si Ernie sa harapan ko na may nagsususpetsang tingin. Hindi ko napansin na naglalakad pala siya pasalubong sa akin. Nakasuot siya ng school uniform ng BSC. May pasok ata siya.

Agad akong lumapit sa kanya at hinila siya papasok sa bahay namin. Hindi raw kasi aalis si Evander hanggat hindi ako nakakapasok sa bahay.

"Si Evander," sabi ko sa kanya na may ngiti sa labi.

"Iyong hot na boss mo noon?! Kaya pala pamilyar ang sasakyan," gulat niyang bulalas at namilog ang mga mata. "Akala ko ba ay wala na siya sa resort?"

"Bumalik na siya."

"E bakit ka niya hinatid? Hindi ka naman nagtatrabaho roon ah? At bakit basa ang damit mo? Nahulog ka ba sa kanal, Madam?"

Hinampas ko siya sa braso. "Ano 'ko, tatanga-tanga para mahulog sa kanal? May nahulog ba sa kanal na malinis, ha? Nag swimming ako!"

"E ano ngang ginawa mo kasam