CHAPTER 06

He's leaving...

It's been a year and Blue graduated already. Sa bilis ng panahon ni hindi ko na namalayang ngayon na nga pala ang alis niya. Dumating na nga ang araw na kinatatakutan ko. Ang araw kung kailan uuwi na si Blue sa Pinas.

Sa nakalipas na buwan ay hindi namin napagtutuunan ng pansin ang isa't isa dahil abala ako sa trabaho at pag-aaral sa gabi. Siya, ewan ko ba... hindi ko alam kung ano at sino ang pinagkabalahan niya.

Simula rin noong inamin ko sa kanya na crush ko siya ay naging mailap na siya sa akin. Ayaw niya na akong paglabahin ng mga damit niya. Sa tuwing ipinagluluto ko naman siya ay palagi niyang sinasabi na busog siya. Edi bahala siya sa buhay niya! Feeling niya naman hahabulin ko siya, eh ang pangit nga naman! Hmp!

Pero ngayong narito kami sa Airport, para akong tanga na umiiyak sa harap niya.

"Lenny stop crying! Uuwi lang ako sa Pilipinas at hindi mamamatay. Pinagtitinginan na tayo ng ibang narito, nakakahiya! Baka isipin nila ginawan kita ng masama," singhal