Chapter 14

Eliezah

NAKATINGIN lang ako sa lalaki. Pinakiramdaman kung ano ang mga kilos niya. Naghahanap ng mali. Napalingon siya sa gawi namin at bahagya siyang nagulat ng makita niya ako. Ilang saglit ay ngumiti siya ng mala-demonyo. Ngiti na parang may binabalak na kasamaan. Kinunutan ko siya ng noo. Bumaling ako sa NBI na katabi ko.

"I want to get inside." Sabi ko.

Tumango ang NBI na katabi ko at sinusian ang pinto.

"Please, huwag kang magtagal masyado. There's a time limit in here. " Sabi ng NBI ng tuluyan na akong nakapasok. Tinanguan ko siya at humarap ako sa lalaking nag-claim na Fergie Morgan.

Ngumiti siya ng mala-demonyo. Umupo ako sa tapat niya.

"Anong ginagawa ng napakagandang babae sa lugar na ito?" Nakangiti niyang tanong pero hindi ko siya sinagot.

"Who are you?" Tanong ko.

Ngumiti siya. "I'm Fergie Morgan, dear. Why? Aren't you happy?"

"Alam kong hindi ikaw ang tunay na Fergie." Mariin na sabi ko at seryoso siyang tiningnan.

Nauwi sa ngisi ang ngiti niya. "Oh talaga?" Ma