Kabanata 33

Corvus’ POV

"Puwede bang dito muna tayo magpalipas ng gabi, Corvus?” dinig kong sabi ni Miss Alina habang nandito ako sa terrace ng villa niya. “Na-miss ko kasi si papa. Gusto kong bantayan muna siya habang naririto pa siya.”

Sa tono nang pananalita niya, na parang nagmamakaawa, hindi tuloy ako makatanggi. Gusto ko sanang mag-movie marathon sa bahay. Kaya lang, saka na lang. Nag-request siya kaya dapat ko itong pagbigyan.

Tumango ako kasi gusto ko na ring matulog ng maaga. Napagod kasi ako sa ginawa namin ngayon araw.

“Sige, ayos lang naman sa akin, Miss Alina.”

“Salamat, Corvus. Pasensya ka na talaga sa mga pang-iistorbo ko sa iyo,” sabi pa niya kaya napakamot ako ng ulo.

“Huwag mong isipin na naiistorbo mo ako. Ayos lang, kasi trabaho rin naman itong binigay mo sa akin. Saka, tandaan mo na hindi ka istorbo sa akin. Para nga sa akin, blessing ka na dumating sa buhay ko. Dahil sa iyo, may pera na ako, dahil sa iyo may sarili na akong bahay. Dahil sa iyo, puno ng stock ng pagkain ang