Kabanata 189

Caline’s POV

Habang nasa kusina, abala ako sa paghalo ng harina at asukal para sa pinaplano kong bagong cake recipe. Naisip kong magpakalibang, hindi na kasi mawala sa isip ko si Akeno. Kahit na nandiyan lang naman siya sa garden. Gusto ko siyang kumustahin o lapitan, kaya lang nahihiya pa rin ako dahil sa nangyari nung nakaraan.

Nakataas ang manggas ng suot kong blusa, at amoy na amoy ko ang tamis ng vanilla at ang pinong malamig na pakiramdam ng harina sa aking mga kamay. Medyo mahangin sa paligid, kaya’t sa bawat pagbuga ng hangin ay may mga butil ng harina na napapadikit sa pisngi at noo ko, pero hindi ko na rin ito pinapansin. Masaya ako sa ginagawa ko. Nalilibang talaga ako kapag gumagawa ng cake.

Ngunit habang inihahalo ko ang mantikilya at itlog sa malaking mangkok, may narinig akong pabulong na tinig na parang nagmumula sa labas. Parang umaawit ito, tinatawag ang pangalan ko, “Caline... Caline…” Medyo kinilabutan ako, pero hindi ko mapigilang mapangiti. Alam kong wala nang ib