Kabanata 934

“Huwag kang mag-alala. Hinding-hindi ka hihiwalayan ni Sarah. Ngayong wala na siyang pag-asa kay Shaun, ikaw na lamang ang kanyang masasandalan. Pihado ko’y tatampuhin lamang iyon at pagbabantaan kang hihiwalayan ka niya. Kapag sinuyo mo siya, pagbibigyan ka nu’n. Siya nga pala, alam kong hindi ikaw ang lalabas na masama sa lahat ng ito. Anumang paraan ay ikaw ang palalabasin niyang inosente. Makahahanap iyon ng paraan upang ituon sa iba ang pagkakasala.”

Pagkatapos niyang magsalita ay idinabog ni Freya pasara ang pinto.

Natigilan si Rodney sa pananalita ng babae.

…

Nang makalabas si Freya mula sa hotel kahit na masakit ang kanyang mga binti ay nakatanggap siya ng tawag mula kay Catherine.

“‘Teh, ang galing mo naman.”

Hangang-hanga si Catherine sa kaibigan nito. “Ang engrande ng pag-propose ni Rodney kay Sarah, at nakipagtalik ka agad sa kanya kinabukasan? Ang galing mo namang balikan si Sarah. Nasa trending searches kayo ni Rodney ngayon. Alam na ng buong Australia ang lahat.”