Kabanata 527

Kinuskos ni Liam ang kanyang noo. May mga pagkakataon talagang wala na lang siyang masasabi sa ganitong kakayahan ng mga babae. “Sa totoo lang ay nababalitaan kong napapadalas ang pag-da-dine out nina Shaun, Rodney, at ng iba pa nilang kabarkada kasama si Sarah. Hindi ako sigurado sa iba pang mga detalye.”

“Sa halip na ilayo ang sarili mula sa kanyang ex, mas lalo pa itong dumikit sa kanya. At sinasamahan pa ngang kumain sa labas! Hindi ba’t ibig sabihin din nito’y lolokohin at lolokohin niya lang din ako sa huli?” Kinagat ni Catherine ang kanyang labi, at pakiramdam niya’y mayroong namumuo sa kanyang lalamunan. “Ayokong lumaki ang mga bata nang walang ama.”

“Sige.” Patuloy si Liam sa pagmamaneho.

Makalipas ang apatnapung minuto’y huminto ang sasakyan sa harap ng Maison Bar.

Itinulak ni Catherine ang pintuan ng sasakyan sabay labas mula rito.

“Saglit lang, hintayin mo ako.” Sa kanyang pag-aalalang may mangyaring masama sa mga batang dinadala nito, agad na sinundan ni Liam si Cathe