II

This chapter is dedicated to Allyza. Love uuu, mhie. Thank you for the unending support and inspiration

•

Napabalikwas si Ayra nang magising mula sa pag idlip. Mayroon kasing tumapik sa kanyang balikat. Tumingin siya sa tao mula sa likuran

"Ayra, iha, salamat sa pagbabantay kay Heart Greeneth ha? Pasensya na at ngayon lang kami nakaluwas ng tatay niya" ani ng babae. Nanay ito ng kaibigan niyang si Green

Nang matagpuan niya si Green na walang malay at puno ng pasa at sugat kahapon ay hindi na niya ito iniwan. Naka confine ito ngayon sa ospital at saglit lang na gumising kanina upang mag almusal

"Walang ano man po, Tita. Nakapagbilin rin naman po ako sa landlord namin sa boarding house na hindi ako makakauwi kagabi" paniniguro niya sa babae at tumango tango ito. Kasama rin nito ang Tatay ni Greeneth kaya naman ay nagmano si Ayra sa dalawa

May katandaan na ang mag asawa kung titingnan. May puting hibla na ang mga buhok ngunit malalakas pa naman at masiyahin. Naikwento rin ni Green kay Ayra noon na miracle baby ito kaya naman only child lang siya

Inabutan siya ng supot ng isang kilalang fast food chain ng mag asawa

"Ayra, iha ito nga pala kumain ka muna. Pagpasensyahan mo na at 'yan lang ang nakayanan namin, ha?" kinuha nito ang kamay niya at inilagay doon ang supot ng pagkain

"Ay nag abala pa po kayo, Tita. Maraming salamat po" nginitian niya ang mag asawa at nagsimulang kumain sa gilid na lamesa habang ang dalawa ay pinagmamasdan ang anak na natutulog sa hospital bed. Hinahaplos ng mga ito ang mga pasa at sugat ni Greeneth na umantig sa puso ni Ayra. Mas lalo siyang naawa sa kaibigan at sa mga magulang nito

Hahanapin ko kung sino ang gumawa nito sayo, Green..

Hindi kalaunan ay nagsimula nang magligpit ng gamit si Ayra. Inayos niya rin ang kusot niyang uniform at ginamitan ng hair clamp ang kanyang buhok. Naka uniporme parin siya na siyang suot mula kahapon dahil kahit saglit ay hindi niya iniwan ang kaibigan

Stable naman ang vitals ni Greeneth pero sadya daw na napagod ang katawan nito kaya naman ay puro pahinga lamang ang ginagawa

"Oh, iha. Aalis ka na?" ani ng nanay ni Greeneth habang nakaupo katabi ang asawa nito

"Opo, Tita. May klase po kasi kami mamayang ala-una, eh. Uuwi pa po kasi ako sa boarding house bago pumasok ulit" paliwanag niya dito. Isang sakay pa kasi ng jeep ang kailangan niyang gawin bago marating ang kanyang tinutuluyang boarding house

"Oh, siya mag iingat ka, ha? Salamat ulit, Ayra" nginitian siya ng mag asawa na sinuklian niya rin

Lumabas na siya mula sa silid ni Green sa ospital at naglakad papunta sa first floor. Nang makalabas ng ospital ay akmang tatawid na siya nang biglang sumagi sa kanyang isipan ang nakakainis na mukha ni Vinxer

Naalala niya kasi ang tagpo nila noong muntik siya nitong mabangga kahit na nasa pedestrian lane na naman siya

Tsk! Mokong na yun. Sisipain ko talaga ang motor niya pag nakita 'kong naka park sa labas ng gate sa Blue and Gold. Grrr!

Tuluyan na siyang tumawid at sumakay ng jeep. Hindi kalaunan ay bumaba na siya at naglakad papasok sa kanyang boarding house. Compound ito at may hardin bago makapasok sa mismong boarding house. Marami rin ang mga pusa dahil alaga ang mga ito ng pamilya ng kanilang landlord

"Hello, cats. Hello, Migoy" paglalambing niya sa isang nakasalubong niya habang tinatahak ang pasilyo papunta sa pinto ng kanilang boarding house

Natulos siya sa kinatatayuan nang makita ang bulto na nakikipaglaro sa mga pusa na naroon. Hinihimas nito ang mga pusang nakapalibot dito habang naka squat ito ng upo

Anong ginagawa nito dito? Siraulo ba siya!?

"V-vinxer?" ani ni Ayra habang hindi parin gumagalaw sa kinatatayuan. Hindi talaga siya makapaniwala na narito ang lalaki.

Bakit siya nandito? Anong sadya niya rito? Paano niya nalaman na dito ako naninirahan? Bakit niya naman ako pupuntahan? .... Bakit ang bango niya-Heh!

Sinaway ni Ayra ang sarili upang maputol ang kanyang pag iisip nang mga sandaling iyon. Ang dami niyang tanong sa isipan ngunit pangalan lamang nito ang kanyang nabanggit

"Oh, hello, Ayra. I've been waiting for you" nginitian siya nito nang tumingin sa gawi niya. Pini-pet parin nito ang mga pusa

Nang makabawi sa pagkabigla si Ayra ay unti-unting naningkit ang kanyang mga mata at tumalim ang tingin sa lalaki

Bakit nandito nanaman 'tong si malas!?

"'Wag mo nga akong ma-hello jan! Bakit ka nandito? Anong kailangan mo? Paano mo nahanap kung saan ako nakatira? At tigilan mo nga 'yang mga pusa at baka mahawa sa kamalasan na hatid mo" singhal niya sa lalaki

Naglaho ang ngiti nito na napalitan naman ng pamilyar na iritable nitong ekspresyon. Tumayo ang lalaki at naglakad papalapit sakanya upang tawirin ang kanilang distansya. Nakatingala nanaman tuloy si Ayra. Sanay naman na siya sa tangkad ng lalaki pero nabibigla parin siya kapag ganito sila kalapit sa isa't-isa

Sinalubong ni Ayra ang mga titig ni Vinxer. Kunot ang noo nito kaya naman nagsasalubong ang makakapal na kilay. Nawala na rin ang dimples nito sa pisngi na kanina ay saglit na nagpakita nang batiin siya nito ng ngiti. Ang buhok nito ay nagiging golden brown dahil sa sinag ng araw. Mestizo ang lalaki mula noon pa man kaya nga lang ay madalas na hindi nagpapantay ang kulay ng mga braso at katawan dahil lagi yatang nakabilad. Kahit na ganon ay gwapo parin ito

Gwapo!? Jusko! Mauunang tumamis ang asin bago ko sabihan ng gwapo itong lalaking 'to

"Mukha 'kang minion" nahugot si Ayra mula sa pag iisip nang magsalita si Vinxer sa kanyang harapan

"Ano?" sagot naman ni Ayra

"Sabi ko mukha kang minion. Hindi ka na tumangkad simula Grade 9 tayo" ani ng lalaki kaya naman hindi na napigilan ni Ayra na sampalin ang braso nito

Hala..ang tigas..

"Siraulo. Bakit ka ba kasi nandito?" singhal niya sa lalaki. Pareho silang nakasingkit ang mga mata dahil sa tirik na sikat ng araw na bumabalot sa paligid

"Hindi mo ba muna ako papapasukin? Ganyan ka ba sa bisita?" balik na tanong ni Vinxer kay Ayra

"Bwisita ka hindi bisita. Tabi!" inirapan niya ito at pumasok sa pinto ng boarding house ngunit tumigil siya nang sandali

"Oh ano pang hinihintay mo jan? Pumasok ka na habang mabait pa ko sayo" muling sambit ni Ayra at inirapan si Vinxer na agad namang pumasok habang nangingiti na tila nang aasar

Umupo ang lalaki sa plastic na upuan sa receiving area/dining area ng boarding house. Common at shared ito na space ngunit mas nagagamit ni Ayra dahil solo niya sa pag renta ang nag iisang kwarto sa first floor

Walang lingon-likod siyang pumasok sa kanyang silid at kumuha ng undergarments na susuotin para sa pangloob ng kanyang uniform. Hindi niya nilingon si Vinxer at dire-diretso lang na pumasok sa banyo habang dala ang basket ng kanyang bath essentials, tuwalya, at bihisan

Habang naliligo siya ay iniisip niya parin kung bakit narito ang lalaking 'yon. Hindi parin kasi nito sinasagot ang mga tanong niya kanina at tahimik lamang na naghihintay doon sa dining area

Nang matapos maligo ay nagpunas na ng katawan at buhok si Ayra. Sinuot niya na rin ang kanyang underwear, sando, at shorts. Nagpupunas pa siya ng buhok nang makalabas ng banyo

Nagkatinginan sila ni Vinxer na tahimik parin habang nakaupo. Napakatikas na nga ng lalaki. Matangkad. Mestizo. Mabango..

Simula Junior Highschool ay magkakilala na sila ni Vinxer dahil lagi silang magkaklase. Noong una ay ayos naman ang pakikitungo nila sa isa't isa. Madalas nga silang mapagkamalan na magkasintahan noon dahil lagi silang magkasama. Laging Top 1 noon sa klase ang lalaki tapos si Ayra naman ay pangalawa. Madalas ay tinuturuan siya ng lalaki tungkol sa mathematics at si Ayra naman ang nagtuturo dito tungkol sa literature. Ma-numbers ang lalaki at ma-words naman si Ayra. Perfect balance kumbaga...ang kaso simula noong nangyari ang di inaasahan...hindi na sila ulit bumalik sa dati

Kailan kaya ulit yun?

Napailing si Ayra sa sarili at nag iwas ng tingin. Tahimik siyang pumasok sa kanyang silid habang nakikita parin sa kanyang peripheral vision ang mga titig ni Vinxer. Wala naman itong sinasabi at basta nakatitig lamang. Napabuntong hininga na lamang si Ayra nang matapos magsuot ng kanyang uniporme. Isinuot niya rin ang contact lenses niyang brown dahil gusto niya na munang pagpahingahin ang kanya mga mata mula sa pagsusuot ng kanyang salamin

Lumabas na siya mula sa kwarto nang matapos mag ayos. Inilagay niya lamang ang kanyang school bag kanina sa upuan katabi ni Vinxer sa dining area kaya naman ay nakahanda na ito. Nagsuot na siyang muli ng kanyang sapatos at saka bumuntong hininga bago humarap sa nakamasid na lalaki

"So..bakit ka nga nandito, Vinxer?" tanong niyang muli dito na wala nang bahid ng inis. Napagod yata siyang singhalan ito kaya mahinahon niya na lamang na tinanong muli

"I wanna see you" tipid nitong sagot habang nakasandal sa upuan at diretso ang tingin kay Ayra. Kumpara kanina ay blanko na ang ekspresyon ng mukha nito. Hindi na nang aasar at hindi na rin iritable

"Bakit?" tanong ni Ayra

"I want to check if you're okay" sagot ni Vinxer

"Bakit?" tanong niyang muli

"I was worried" tipid muli nitong sagot

"Bakit?" tanong muli ni Ayra

"I thought you were the one who got beaten in the restroom yesterday but turns out it was He- Greeneth"

"Paano mo nahanap ang boarding house ko?" tanong niya sa lalaki

"You know me, Ayra" muling tipid na sagot ni Vinxer

Napakunot naman ng noo si Ayra at saglit na natahimik habang pinoproseso ang mga sagot ni Vinxer. Hindi niya maintindihan ang lalaki at lalong hindi niya maintindihan ang sarili. Actually, hindi na niya maintindihan ang sitwasyon nilang dalawa

Noong nagkita sila sa tawiran at muntik na siyang mabangga nito ay halos magsabunutan na sila sa kalsada. Noon namang magkita sila sa klase kahapon ay first time niyang nalaman na kaklase niya pala ito at halos magpatayan na sila gamit ang mga tingin. Pagkatapos naman ng klase nila kahapon ay muli siyang binuysit ng lalaki sa canteen at kulang nalang ay masakal niya ito

Ngayon, narito sila, sila lamang dalawa pero hindi sila nagsisinghalan. Hindi sila nagpapatayan. Malumanay. Tahimik. Katulad ng dati...

Bumuntong hininga si Ayra bago akmang magsasalita ngunit naunahan siya ni Vinxer

"I know who did it" diretso siya nitong tiningnan sa mga mata

Of course he knows..of course, Vinxer Jose Dela Fuentes knows

Bumabalik na nga ba ang dati? Siya at si Vinxer...bumabalik na nga ba sila?

Diretso lamang ang tingin ni Vinxer sakanya. Wala itong ekspresyon at ganon din si Ayra ngunit alam niyang naghihintay ito. Naghihintay ito ng sagot mula sa kanya. Naghihintay ito ng desisyon niya. Desisyon na babago muli sa lahat. Ang desisyon na makakapagpabalik ng dati. Matagal itong iniwasan ni Ayra dahil wala rin naman siyang pagkakataon pero ngayon dahil sa nangyari kay Greeneth ay narito silang muli ni Vinxer. Magkasama...tulad noon

"Bring me to them" tugon ni Ayra at siyang tango naman ng lalaki. Wala nang sabi sabi ay lumabas sila agad mula sa boarding house. Nakaparada pala doon ang itim na motorsiklo ni Vinxer na Ducati

Nakasingkit ng mata si Ayra habang nilalagyan siya ni Vinxer ng helmet. Nasisilaw kasi siya sa init ng araw dahil nga naka contact lenses lang siya

"Tsk. Di mo nanaman sinuot yung salamin mo kaya nasisilaw ka ngayon.." inabutan siya ni Vinxer ng shades at muling nagsalita "...kapag maulan o indoors mo nga lang isuot 'yang contact lenses. Your eyes need the protection from your glasses"

Tumango na lamang si Ayra dahil tama naman ang lalaki. After all these years, kilala parin siya nito. Kabisado parin ni Vinxer ang kanyang pagkatao

Sumakay na si Ayra sa motorsiklo at kumapit sa may bandang bewang ni Vinxer. Pinaandar na nito ang sinasakyan nila upang madala na siya nito sa mga taong nanakit sa kaibigan niyang si Heart Greeneth

Matapos ang mahahabang taon, sino ba naman ang mag aakala na kay Vinxer parin pala siya hihingi muli ng ganitong tulong? At sinong mag aakala na tutulungan parin pala siya ng lalaki?

PROJECT: Runaway

Status: FAILED