V

• This chapter is inspired by the song Sandali by mrld. You can play the song first to know the vibe then proceed in reading this chapter. I highly recommend you do so that's why I added it above! <333

Also, I'm wondering if I should make a playlist for this story but maybe that's for the future nalang. Thank you and hope you will enjoy this chapter

•

Pinagmamasdan ni Vinxer ang natutulog na si Ayra. Nakapasok na sila sa parking lot ng condominium building niya ngunit hindi parin nagigising ang dalaga. Wala siyang lakas ng loob na gisingin ito dahil alam niyang kailangan nito ng pahinga. Hindi niya kayang putulin ang payapa nitong paghimbing

Napabuntong hininga si Vinxer at isinandal ang likod sa malambot na upuan ng driver's seat. Ipinikit niya ang kanyang mga mata at pinakinggan lamang ang tunog ng engine, aircon, at mahinang volume ng radyo ng kotse. Tumutugtog doon ang isang musika na tumpak sa kanyang nais ipahayag noong mga oras na iyon

Sandali, dito ka na magpalipas ng gabi

'Cause we both know it's getting late

When I'm far from you, yeah, 'di mapakali

Bahagya siyang napangiti at saglit na tiningnan si Ayra na tahimik parin na natutulog sa shotgun seat. Katahimikan ang bumalot sa loob ng kotse habang patuloy parin ang kanta sa radyo

I don't really care if you're not coming home tonight

If you wanna stay with me, and we can both call it a night

Tahimik ang paligid, puwede tayo ang mag-ingay

Liwanag ang sasalubong sa katawang nakahimlay

"What a day..." bulong niya sa sarili habang komportable parin na nakasandal sa upuan

Hindi alam ni Vinxer kung ilang segundo pa ang lumipas bago tuluyang natapos ang kanta. Iniangat niya ang sarili at bahagyang sinuklay ang kanyang buhok gamit ang kanyang mga daliri at dahan-dahang umismid palapit kay Ayra

Tinitigan niya ang mukha ng dalaga. Payapa iyon. Malayong-malayo sa lahat ng sakit at problema na bumabagabag dito araw-araw

Inilapit niya pa ang kanyang mukha. Mula sa kanilang distansya ay kitang kita niya ang pino nitong balat, mahahabang pilikmata, matangos na ilong, at ang mapula nitong mga labi na hugis puso

"Vinxer?" nanigas si Vinxer sa kanyang posisyon nang bigla na lamang nagising si Ayra. Nagtama ang kanilang mga mata. Gulat ang ekspresyon ng dalaga at hindi naman mahanap ni Vinxer ang mga salitang dapat sabihin

"Ahhh! Siraulo ka talaga! Minamanyak mo ba 'ko!?" singhal ni Ayra kay Vinxer nang makabawi mula sa pagkabigla. Kinapa kapa niya pa ang kanyang buong katawan

"Excuse me, woman. I was about to wake you up. You have to freshen up kaya gigisingin na sana kita. Ang baho na ng kotse ko dahil sayo" sambit ni Vinxer at pinatay na ang engine ng sasakyan. Lumabas siya ng pinto at umikot upang pagbuksan si Ayra

"Heh! Huling huli ka na ayaw mo pang umamin!" madilim ang mukha ng dalaga at inirapan si Vinxer bago lumabas ng sasakyan

Padabog ang kanyang mga hakbang nang mauna siyang maglakad habang nakasunod lamang si Vinxer sa kanya ngunit agad din na huminto sa gitna ng parking lot. Tumingin siya sa binata nang makahabol na ito sakanya at ngayon ay nasa tabi na niya

"Nasan pala tayo?" tanong ni Ayra kay Vinxer

"My condo" ani nito at marahan na hinawakan ang pulsuhan ni Ayra bago ito maglakad

"Bakit dito mo 'ko dinala? Dapat diniretso mo nalang ako sa boarding house ko"

"It's alright. I have clothes your size in the closet" ani ni Vinxer at iginiya si Ayra papasok ng elevator

"Ihahatid mo nalang ba 'ko sa bhouse pagkatapos? tanong naman ng dalaga

"Up to you. If you wanna stay for the night, it's fine with me"

"Nakakahiya naman. Uuwi nalang ako pagkatapos"

"Ikaw bahala..."

Tumigil sila sa paglalakad at huminto sa harap ng isang pinto. Binuksan iyon ni Vinxer gamit ang isang key card

Sumalubong kay Ayra ang amoy ng panglalaking pabango nang makapasok sa loob ng condo unit ni Vinxer. Maluwag iyon at kumpleto mula sa kitchen, living room na may malaking sofa, isang bedroom, at dalawang restroom

Habang abala ang mga mata ni Ayra sa mga nakikita ay binigyan na siya ng tuwalya ni Vinxer

"Take a bath. You stink" pang aasar nito at naunang maglakad papasok sa bedroom

"Ikaw din naman! Kapal mo parehas lang tayong naulanan kanina!" habol niyang bulyaw sa lalaki na ikinatawa lamang ng huli

Pumasok na sa isa sa mga banyo si Ayra at nagsimulang maligo. Habang nasa ilalim ng shower ay hindi naiwasan ni Ayra na mag isip isip. Ang gulo gulo kasi ng utak niya

Ang plano niya ay layuan si Vinxer for good kaya nga pinili niya rin na sa siyudad at sa isang public university mag aral pero ngayon ay nagkita parin sila. Pangalawa, iyong nangyari kay Heart Greeneth. Kung iisipin ay yun ang naging dahilan kung bakit narito siyang muli sa sitwasyon na ito pero...wala naman siyang pinagsisisihan. Nakasama rin niyang muli ang mga dati pa nilang kaibigan ni Vinxer na sina Danner at Xenon. Maging si Niccolo ay naroon din kahit na hindi parin naman sigurado si Ayra kung kaibigan nga ba niyang tatawagin si Niccolo

"Haysttt...bahala na" ani ni Ayra at tinapos na ang pagligo. Lumabas siya ng banyo at naglakad lakad upang mahanap kung nasaan ang closet. Binuksan niya ang isang sliding door

"Ahhhh!!!!" napatili si Ayra nang tumambad sakanyang harapan ang likuran ni Vinxer ngunit hindi lamang yun isang likuran. Hubo't hubad ang lalaki at kitang kita ni Ayra ang malaman at mabilog nitong pwet

Mabilis ang paghinga ni Ayra at nagtakip ng kanyang mga mata. Nakatapis parin siya ng tuwalya kaya naman ay ingat na ingat din siya na hindi iyon mahulog

Nakahinga lamang siya nang maluwag nang maramdaman niyang lumabas si Vinxer mula sa walk-in closet at bahagya siya nitong itinulak papasok doon tsaka nito isinarado ang pinto

"Ahhhh! Siraulo ka talagang lalaki ka! Nakita ko yung pwet mooo!" mula sa loob ng closet ay nagsisisigaw parin si Ayra habang nagbibihis. Rinig na rinig naman iyon ni Vinxer habang abala na siya sa kusina upang magluto ng hapunan

Gumagawa siya ngayon ng sopas. Naisip niyang ito ang lutuin dahil na rin naulanan sila kanina at nilamig sa biyahe. Makakatulong din iyon kay Ayra upang mas kumalma ito

"Lumabas ka na nga jan! Baka mamaya hinahalay mo na yung mga boxers ko jan sa loob" ani ni Vinxer kay Ayra. Binuksan naman nito ang pinto ng walk-in closet at lumabas itong nakasuot na ng t-shirt at shorts

"Kapal mo! Ikaw nga 'tong minamanyak ako kanina sa kotse" inirapan siya ni Ayra habang naglalakad ito palapit sa kusina. Tumigil ito sa may bar counter at naupo sa stool

"You looked at my ass cheeks without my consent, woman. Ikaw yata ang manyak" sagot ni Vinxer habang nilalagyan na ng gatas ang sopas. Mula sa kanyang likuran ay narinig niya na lamang ang pigil na pagsigaw ni Ayra dahil sa inis. Hindi kalaunan ay naglagay na siya sa dalawang bowl ng sopas at inilagay iyon sa bar counter. Tumabi na rin si Vinxer nang upo kay Ayra

"Uy sopas. Favorite ko 'to. Thank you" nginitian siya ni Ayra bago ito magsimulang kumain nang magana. Nawala na ang sungit at pag aattitude nito dahil sa nakahain na pagkain

"You're welcome. Pagkain lang pala ang katapat mo, eh" natatawang sambit ni Vinxer at nagsimula na rin kumain. Inirapan naman siya ni Ayra at hindi na ito sumagot

Tahimik lamang sila hanggang matapos silang kumain. Nagsabi naman ang dalaga na siya na lamang ang maghuhugas ng kanilang mga pinagkainan dahil si Vinxer naman daw ang nagluto. Hinayaan niya lamang ito at pinagmasdan

"Avie..." tawag ni Vinxer kay Ayra. Bahagya naman itong napatigil sa ginagawa bago muling magpatuloy

"Hmm?"

"...You should get checked" taimtim na pinagmamasdan ni Vinxer si Ayra at buo ang atensyon sa kung ano man ang magiging reaksyon at ekspresyon nito. Lumipas ang ilang segundo bago ito sumagot

"I know..but I couldn't bring myself to do it, Vinoe" napabuntong hininga ito at tinapos ang paghuhugas sa mga plato bago ito nagpunas ng mga kamay at muling umupo sa stool katabi ni Vinxer

"Nic knows a psychiatrist. He told me she's a female so I think you'd be more comfortable that way"

"Hindi naman iyon ang problema...ako mismo" malungkot ang mukhang sambit ni Ayra at yumuko habang nakatingin sa kanyang mga palad

"Nandito naman ako, Avie. Hindi naman kita pababayaan" sambit ni Vinxer at hinawakan ang mga kamay ni Ayra bago iyon bahagyang pinisil-pisil

Tahimik lamang si Ayra na tila malalim ang iniisip. Nakayuko parin ito at tahimik lang din lamang si Vinxer sa tabi nito

Maya maya ay tiningnan siya ni Ayra nang may luha sa mga mata

"Pero hanggang kailan?....hanggang kailan 'kang nariyan para sa akin?"

"Lagi naman kaming nariyan...lagi naman akong nandito, Avie. You are just the one who always run away. Ikaw lang naman itong magulo na laging lumalayo"

"Ayoko lang na madamay pa kayo, Vinoe. Gusto 'kong malutas ang lahat ng mga problema ko nang ako lang"

"Avie..una palang damay na kami. Your problems are our problems too. There's no way around it dahil tayo nina Xenon ang nagplano ng lahat" ani ni Vinxer na bahadyang naiinis

Simula noon ay ganito na talaga si Ayra. Matigas ang ulo at pilit sinasarili ang lahat. Madalas ay hindi rin ito nakikinig sa kanila

"You are just always there to save me and I feel guilty because of that, Vinoe. You always clean after the mess you didn't spill"

"That's why I'm telling you now to get the help that you need"

"Pakiramdam ko ang sama-sama 'kong tao kaya hindi ko deserve gumaling, Vinoe"

"Don't say that, Avie..." iniharapan niya ang dalaga sa kanyang gawi at tinitigan ito sa mga mata, "...you're not a bad person. You just do bad things out of love..at yun ang gusto 'kong ihingi mo ng tulong, Avie. Gusto 'kong matutunan 'mong palayain ang sarili mo mula sakit na dulot ng mga nagawa mo"

Napabuntong hininga si Vinxer at niyakap si Ayra. Tahimik lamang ang dalaga. Nag iisip.

"Susubukan ko.." ani nito

"And please..." ani ni Vinxer

"Please what?"

"Please don't push me away..." marahan niyang hinaplos ang buhok ni Ayra at bahagya itong hinalikan sa noo "...and don't run away from me ever again"

PROJECT: Runaway

STATUS: Failed the second time

-

LunaToMySol