Chapter 3: Her Personal Bodyguard

Natanaw ko ang bahay namin mula rito sa gate. Mahabang pathway ang sumalubong sa paningin ko at sa magkabilang gilid nito ay naroon ang napakagandang garden ng bahay namin. Sa dulo ng daang ‘yon, makikita ang mismong bahay namin. May fountain ito sa harapan bago maghagdan.

Huminto ang kotse sa tapat ng malaking fountain. Bumaba ang driver ko at pinagbuksan ako kaya lumabas ako at pumasok sa bahay. Automatikong nanlaki ang mga mata ko nang makita ko sina Mommy and Daddy sa sala. Once in a blue moon kung makita sila rito sa bahay. Mas bahay pa nga yata nila ang office nila.

May tao silang kausap pero nakatalikod ito direksyon ko. Dahil sa presensya ko, naagaw ko ang atensyon nila pero sinenyasan lang ako ni Daddy na lumapit sa kanya kaya dali-dali akong sumunod.

“I’m glad that you came home, Mom,” masaya at nakangiting sabi ko. 

Akmang hahalikan ko sana siya sa pisngi pero iniwasan niya ako at gano’n din ang ginawa ni Dad nang siya naman ang nilapitan ko. Wala akong nagawa kundi sundin ang inutos nila. Nilingon ko ang bisita nila para umupo sana sa tabi nito, pero agad akong natigilan nang makita ang mukha nito. Teka…saan ko nga ba nakita ang taong ‘to? Wait, hindi kaya…? Oh my gosh! Siya nga!

“Ano’ng ginagawa mo rito?!” sigaw ko habang nanlalaki ang mga mata at nakaturo sa kanya.

Nanlalaki rin ang mga mata niya nang makilala ako pero agad din ‘yong napalitan ng ngiting mapang-asar. Kumaway siya sa akin habang nakangisi na parang nag-aasar pa. Hindi nakaligtas sa pandinig ko ang pagtawa ni Daddy na once in a blue moon lang din kung mangyari.

“It’s nice to see the both of them recognize each other,” bulong ni Mommy na napakinggan ko pa rin. What is she talking about? Do I know this irritating jerk?

“We’re glad that you already knew each other,” ani Daddy. Kunot-noo akong tumingin sa kanya pero hindi niya ako pinansin at nakatingin lang sa lalaki. “Heather...” tiningnan niya ako.

“Yes, Dad?” tanong ko at ngumiti pero nanatili lang siyang nakatingin sa akin. How heartless.

“From now on, dito na titira si Dior and he will be your personal bodyguard,” ani Daddy dahilan upang manlaki ang aking mga mata. Magrereklamo pa sana ako, pero hindi pa man bumubuka ang bibig ko ay tinaas na ni Daddy ang kamay niya, simbolo para manahimik ako at ‘wag ng tumutol pa. “Feel at home, hijo. I-report mo sa amin ng Tita Janella mo ang mga ginagawa ni Heather, okay?” Tumango si Dior bilang pagsang-ayon.

“Makakaasa kayo, Tito Harley and Tita Janella,” nakangiting sagot ni Dior. Pasimple siyang tumingin sa akin at kinindatan ako dahilan upang umusok ang ilong ko.

Padabog akong nag-walk out at umakyat sa kwarto ko. Ayokong makita ang lalaking ‘yon! Akala niya nakalimutan ko na ang ginawa niyang pagtalo sa akin? Well, nagkamali siya ng binangga! I’m more powerful than him. He’s just my bodyguard and I’m a Ganza. 

I can’t imagine losing against a filthy jerk, but he did! I failed being a sister and I can’t afford to fail as a daughter and student. Making my parents proud of me is my biggest achievement and no trophies or medals can surpass that, but I think that’s impossible because of the incident that occurred a decade ago.

Dumako ang tingin ko sa side table ng kama at doon ko nakita ang tatlong picture frame. Ang una ay ang solo picture ko noong bata pa ako. Ang pangalawa naman ay ang huli naming picture ni Kuya ng magkasama. Ang pangatlo ay picture namin ng isang lalaki na kung saan ay nakatalikod kami pareho. Sa pagkakaalam ko, si Kuya yata ito dahil wala naman akong ibang kaibigang lalaki na ganito kaputi. 

Kung alam ko lang sana na mangyayari ‘yon, sana ay hindi ko na lang siya niyaya na maglaro noong araw na ‘yon. Sana, hanggang ngayon ay hindi ganito ang pamilya namin at may Kuya pa sana ako na gagabay at magco-comfort sa akin tuwing nalulungkot ako. I’m so lucky to have him, but sadly, he died…because of me.

Nilihis ko ang aking paningin sa mga pictures dahil unti-unti na namang bumabalik ang mga masakit na ala-ala.

Tumayo ako para kunin ang laptop ko pero bago pa ako makalapit doon ay huminto ako nang makarinig ako ng mga bulungan sa labas ng kwarto. Nilapit ko ang aking tainga sa pinto para makinig sa nag-uusap sa labas.

“D’yan ba lumipat ang gwapong bodyguard ni Ms. Heather?” tanong ng isang kasambahay at malandi itong humagikgik.

“Oo, utos ‘yon ni Sir Harley para mabantayan niya nang maayos si Ms. Heather, lalo na’t palagi silang wala rito,” sagot ng Mayordoma.

Kaya nila kinuha ang unggoy na ‘yon ay para bantayan ako habang wala sila? Still, nag-aalala pa rin sila sa akin kahit patago lang. Masaya na akong malaman na kahit kaunti ay may natitira pa silang pakialam at pagmamahal para sa akin.

Nang marinig ko ang pag-alis nila ay dahan-dahan kong binuksan ang pinto ng kwarto ko at pasimpleng sumilip sa labas. Bumungad ang katapat na kwarto sa paningin ko. Sarado ang pinto nito at mukhang nasa loob na ang unggoy na ‘yon. Akmang isasara ko na sana ang pinto, nang bumukas ang pinto ng kwarto ni Dior.

Nagtama ang aming paningin at parang may kuryenteng dumadaloy roon dahil sa sama ng tingin ko sa kanya. Bahagya siyang nagulat noong una pero kinalaunan ay napalitan din ‘yon ng ngising mapang-asar. Kumaway siya sa akin habang pinapakita ang mapuputi niyang mga ngipin.

“Saan ka pupunta, Ms. Ganza?” taas-kilay na tanong niya. Umayos siya ng tayo at nag-crossed arms pa habang taas noong nakatingin sa akin. Inayos ko ng pagbukas ang pinto at binuksan ‘yon nang malaki. 

“Aalis ako, sasama ka?” taas-kilay kong tanong at ginaya siya sa pag-crossed arms.

Tumaas ang kilay niya habang tinitingnan ako mula ulo hanggang paa. Ilang sandali lamang ay narinig ko ang pagtawa niya dahilan upang mainis ako. Nakakainsulto ang paraan ng pagtawa niya, para siyang witch!

“Aalis ka ng ganyan ang suot mo? Oh, come on. Walang Ganza na ganyan manamit,” tumatawang pang-aasar niya habang nakaturo sa suot ko. Dahil sa inis ko, hinampas ko ang daliring nakaturo sa akin.

Tiningnan ko ang tinuro niya kanina at napagtanto kong tama nga siya. Nakapantulog akong damit, natural lang talaga na matatawa siya sa sinabi ko. Dahil sa inis ay sinamaan ko siya ng tingin at padabog na sinara ang pinto ng kwarto ko.

That Dior Gonzales…yes, he has a nice feature when it comes to physical appearance. That perfectly body built…and his abs were sticking out of his white t-shirt, his eyelashes were long and his lips…it was kinda tempting–wait, what? What the hell did I just say?!