Chapter 61

“ANASTASIA, anak!”

Napalingon sila sa nagsalita at doon ay nakita nila ang pumasok na mommy ni Anastasia kasama.ang daddy nito at pawang nakasuot ng sumbrelo upang hindi makilala ng mga tao sa labas. Dali-dali siyang niyakap ng ina ng sobrang higpit at tinignan kung ayos lang ba siya.

“K-kumusta ka anak? Kumusta ang apo namin?! Baka may masakit pa sa’yo, tatawag tayo ng doctor!”

Hinawakan ni Anastasia ang magkabilang kamay ng ina na ikinalingon nito sa kaniya. Nakita niya ang pagtulo ng luha nito kung kaya pinahid niya iyon at binigyan ng malaking ngiti ang ina.

“Mommy, kalma lang po. Maayos na po ako at maayos na ‘din si baby. Pa-tatlong araw na po ako dito sa ospital kaya sabi ng doctor ay bukas pwede na akong makalabas dito,”

Parang nakahinga ng maluwag ang mommy niya dahil sa sinabi niyang iyon at niyakap siya muli ng mahigpit.

“Anak, sorry kung ngayon lang kami ng mommy mo. May kailangan kasi muna kaming asikasuhin bago pumunta dito,” hinging paumanhin ng daddy niya at niya