CHAPTER 19 [PART ONE]

“NASAAN si Serene, Anastasia?”

Napapitlag ako ng biglang may magsalita sa aking likuran. Andito na kasi ako ngayon sa sala at inaabangan si Tanner, matapos kong malaman na andito na pala sila Brandon sa Cebu kasama ang mga anak ko ay pinapunta ko agad si Serene doon upang siya na ang magdahilan na may lakad pa ako. Hindi nila kami pwedeng makita na magkasama ni Tanner, pero hindi ‘rin naman pwede na magtaka si Tanner kung bakit balisa ako.

“A-Ah nauna na, mayroon kasing kailangan gawin si Serene sa kumpanya nasa hotel ang kagamitan namin. Let’s go?” ngiting pilit na sabi ko sa kaniya kahit pa na nautal ako. Tumango naman siya saakin at naglakad na kami palabas.

Naghihintay na saamin ang van na sinakyan namin noong papunta dito. Nakalagay na sa loob ang mga gamit maging ang mga tela at si Inang Ica ang nag mando sa mga tauhan sa pagbubuhat niyon kaya nakangiti niya kaming sinalubong sa labas ng rest house.

“Mag-iingat kayo sa inyong byahe, dalawin mo ako hijo bago ka bumalik ng