Kabanata 12

“Ikaw, Cartegana.”

Labinglimang minuto bago magsimula ang shift niya, dumating si Lam sa hotel. Papasok na siya sa staff room para magbihis ng waiter uniform ng tinawag siya ng kitchen manager.

“Magandang tanghali, Mr. Torres,” tumango siya ng magalang, nakatayo ng ilang dipa mula sa manager.

“Dalhin mo ang mga kahon ng wine at supplies sa stockroom,” hindi binigyan ng pansin ang bati, nag-utos si Mr. Torres. Nakakasindak ang tingin niya pero pinili ni Lam na isawalangbahala ito.

Ngunit, naguluhan siya sa utos. Ang kontrata niya ay waiter siya, hindi stockroom staff. May mga taong nakaassign para kunin ang stocks na dumadating sa hotel.

“Ano pang hinihintay mo? Hindi mo ba narinig ang utos ko sa iyo?”

Isang istriktong boses ang nagbalik sa kanya sa realidad at napagtanto niya, nakatitig sa kanya ng masama ang manager. Kaysa panghinaan ng loob, kalmado siyang nakipagtitigan sa manager.

“Anong tinitingin-tingin mo? Bago ka lang dito at nagpapakita ka na ng ugali,” tumaas ang bose