CHAPTER FIVE

Sa araw na 'to maaga akong kinuha rito sa bahay ng mga nagpakilalang make-up artist daw. Wala akong ibang magawa kundi ang sumama, dahil si Anderson naman na ang nag-utos. Ilang Oras na lang gaganapin na ang kasal. Masyadong naging mabilis ngayon. Ngunit, ayos lang dahil nakilala ko na ang side ni Anderson kahapon. Masaya at mabait naman pala makisama ang kapatid niyang babae sa 'kin na si Kate. Ganon rin ang Mommy Len at Daddy Ramon niya. Kahit papaano, nakakaramdam pa rin ako nang excitement ngayon. Dahil, sa wakas matutupad na rin ang pangarap kong ikasal.

"Seniorita, ready ka na ba mamaya?" excited na sambit sa 'kin nang isang nag-ayos sa buhok ko.

"Oo nga naman, ang galing pa mamili ng babae ni Seniorito dahil sobrang ganda mo."

"Kahit walang make-up ang ganda ganda na nga ehh, mas lalo lang gumanda ngayon."

Tumango ako sa kanila at ngumiti. Kinakabahan rin naman ako ngayon, paano kung bigla pala akong madulas habang naglalakad ako sa gitna ng simbahan, ano na lang sasabihin ng iba. Ang laki pa naman ng hills ko, hindi ako sanay.

"Ano kaya ginagawa ni Anderson ngayon? Nasa simbahan na kaya siya?" tanong ko sa isipan ko.

"Seniorita... Seniorita... mag-uumpisa na, kaya maghanda ka na, dahil ihahatid ka na ng sasakyan."

"Hehhe, enjoy lang ahh, Seniorita."

"Goodluck and Congrats...." nakangiting sambit nila.

Ngumiti ako sa kanila. Dali-dali rin akong pumasok sa sasakyan. Grabe, kinakabahan pa rin ako. Ano kaya mangyayari mamaya, excited na ako magkameron ng napakagwapo at maalagang asawa.

Kalaunan, tuluyan na kaming nakarating roon. Inalalayan ako ng personal driver ni Anderson sa paglabas sa sasakyan. Habang nasa loob ako ng sasakyan, may kung anong gumugulo sa loob ko. Pero, siguro dahil lang 'to sa excitement.

Sa tapat pa lang ng simbahan, napahinga na ako nang malalim. Maya-maya, bumukas ang pintuan, walang alinlangan na lumakad ang mga paa ko. Kitang-kita ko agad mga mga taong naririto. Masasaya at inaabangan nga nila.

Medyo, nanginginig ako dahil sa excitement na nararamdaman ko. Kaya ko 'to. Nang nakarating ako kay Anderson, nakangiti siyang sinalubong ako. Agad rin sinimulan ni father ang lahat hanggang sa.

"Ikaw babae, handa ka bang tanggapin sa hirap at ginhawa ang magiging asawa mo?"

"Opo, father," sabay ngiti ko.

"At ikaw naman-"

"I do."

Hindi pa nga tapos ang father nagsalita na agad si Anderson. Napatawa tuloy ang iba pati na rin ako.

"Ok, now you may kiss the bride."

Akmang hahalikan na ako ni Anderson subalit may kung anong boses ang biglang sumingit.

"Stop the wedding!" galit na boses nito.

Napahinto kami at napatingin sa babaeng 'yon. Elegante siya kung manuot at kung lumakad. Subalit, sino ba siya para sirain ang kasal namin ni Anderson.

"Hey, you bitch! Who are you, para kunin ang position ko??? I'm hi's fiance. Kaya saan ka naman niya nakuha at nagpapakasal ka agad sa fiancee ko!" sigaw niya sabay turo sa 'kin.

Hindi ako nagsalita, bagkus napalingon ako sa lahat. Nag-umpisang nagbulong-bulongan ang iba. Kaya, pakiramdam ko na walan ako nang lakas. Mahigpit rin akong napahawak sa bulaklak na hawak-hawak ko.

"Stop Menda, huwag kang gumawa rito nang hindi maganda. Stop making scandals, baka mamaya masira pa ang image mo as a celebrity."

"Love, totoo ba ang sinabi niya? May fiance ka?" nanginginig kong boses.

"Honey, please stay with me."

"Bakit mo pa ako gustong pakasalan, kung may fiancee ka naman."

"Tsk! Stop doing some drama bitch! Hindi naman magagawang magkagusto nang isang napakamayang tao sa katulad mong cheap!"

"Mayaman? Kaya ba na gastos ni Anderson ang ganitong engrande na kasal dahil isa siyang mayaman?" Tanong ko sa isipan ko.

"Anderson, babe, huwag mo ngang sabihin na gusto mo ang babaeng 'yan. Ilang months lang ako nawala, tapos ngayon pagbalik ko ikakasal ka na??? Ginagawa mo nanaman ba 'to para pagselosin ako at makauwi nang maaga. Madami naman iba pang paraan diba? Bakit ito pa."

"Menda, please stop. Ginulo mo lang ang wedding ko."

"What? this fake wedding? Come on Anderson, alam nating pareho na hindi mo magagawang magpakasal sa iba."

"Then, you! Babaeng cheap huwag kang mangarap nang gising."

Dahil sa sakit na pakiramdam na 'to, nagawa kong mapatakbo. Nakakahiya, hindi rin dapat nila makitang lumuluha ako.

"Nelia!"

Hindi ko na pinansin pa ang pagtawag niya sa 'kin. Wala na ba siyang ibang magawa, pinagtritripan niya lang ba ako. Gusto ko ngang ikasal pero, hindi ako pwedeng magpakasal sa taong ikakasal na rin sa iba. Hindi ko mapigilan ang katawan ko na takbo nang takbo, kahit alam kong hinahabol ako ni Anderson. Pakiramdam ko ngayon, isa akong nakakahiyang babae dahil nagpakasal ako sa taong may fiance na pala.

"Nelia, stop! Please listen to me." Imbis na huminto ako, mas lalong bumilis ang takbo ko.

Hanggang sa nawalan nang balanse ang katawan ko, dahil biglang naputol ang takong ng sandal ko. Akala ko ma-susobsob ako sa lupa kaya napapikit ako. Ngunit, naramdaman kong may humila sa 'kin at niyakap ako.

"Please, stay with me, Nelia." Boses ni Anderson.

Hindi ako nakapagsalita. Mahigpit ko siyang niyakap sabay luha. Alam ko naman na naging mabilis ang lahat, pero kahit paano napamahal na ako kay Anderson. Habang nakayakap ako sa kanya, biglang may humila sa likuran ko.

"Stay away from my fiance!" sabay sabunot sa 'kin, dahilan na natilapon ako.

Nagawa naman na pigilan ni Anderson ang fiance niya. Mabilis na kumabog ang dibdib ko dahil sa ginawa ng babaeng 'to.

"I'm your fiance, Anderson. 2 months na lang gaganapin na natin ang kasal natin, right? Katulad nang napag-usapan natin, bago ako umalis diba? Don't do this to me!"

"Stop Menda! sumama ka sa kaibigan kong celebrity kagaya mo! Iniwan mo ako nang walang paalam, so please stop this!"

"Gusto mong malaman kung bakit???"

"Then tell me," madiin na boses ni Anderson.

"It's because of an accident. Yes, na aksidente ako, hindi ko pinaalam sayo dahil ayaw kong mag-alala ka sa 'kin."

Hindi nakapagsalita si Anderson. Nagbago rin ang kanyang emosyon. Ngayon, ako pala ang dahilan na nasira ko ang kanilang pag-iibigan. Ano na lang ang gagawin ko ngayon, dito na ba magtatapos ang lahat nang napagsamahan namin ni Anderson? Ibig sabihin ba nito mawawalan na rin nang saysay ang pinangako ni Anderson sa 'kin.