CHAPTER 2: This is mine!

Asmodeus is looking at his brother Zaugustus Kit Mercedes. Bihira lang kasi sumakit ang ulo nito. Kaya naman hindi maisip ni Asmodeus kung ano ang problema nito. Nakatingin kasi ito sa kanyang laptop at parang may tinitignan. Lalapitan sana ito ni Asmodeus, kaso bigla nitong narinig ang mala-yelong boses ni Zaugustus. 

"Asmodeus Fenix," banta ng kapatid at hindi na ito lumapit pa. Malaki kasi ang takot nito sa kapatid, kaya naman hindi na siya nagsalita pa. 

Sumenyas bigla si Zaugustus at lumabas naman ang kapatid niyang pangalawa. Tatlong buwan na siyang ganito at ngayon ay nahanap na rin niya ang babaeng nakasama niya sa i-isang kama. Pinagmamasdan ni Zaugustus ang mukha ng dalaga at hindi siya makapaniwala na nakabuntis siya ng 18 years old at apo pa ito ng kaibigan ng kanyang mga magulang.

Ang tahimik niyang buhay ay biglang nagulo. Hindi niya inaasahan na mangyayari ito sa kanya ng dahil sa bunso nilang kapatid na si Heroux Noa Mercedes na hanggang ngayon ay walong buwan ng hindi nagpapakita sa kanila at hirap na hirap siyang hagilapin ito. 

Tumayo si Zaugustus at hindi siya mapakali. Kinuha niya ang cellphone niya sa drawer at saka naglakad palabas ng opisina. Nakita ito ni Asmodeus at sa sobrang curious niya, hindi na maiwasan na sundan ang kapatid.

"Paki reschedule na lang, may pupuntahan lang kami." Parang bata si Asmodeus na sumunod sa kapatid at tinungo nito ang sasakyan ni Zaugustus. 

"Where are you going?" tanong nito at sumama ang tingin nito sa kanya. 

"Drive your own car, Asmodeus." Inis na bumaba si Asmodeus at sinundan niya ang sasakyan ng kapatid. Malakas kasi ang kutob ni Asmodeus na may malalaman siya na kakaiba. Kaya naman kumunot ang noo nito ng limipas ang ilang minuto at tumigil ang sasakyan sa isang simpleng apartment.

"Apartment? Anong klase ba ito?" Hindi na maiwasan ni Asmodeus ang mapatanong. Hindi niya alam kung anong business ng kapatid niya rito. Siya ay nakasunod lamang sa kapatid at tinungo ang third floor ng apartment. Hanggang sa isang pinto ang tinigilan nila.

"016," basa ni Asmodeus at kumatok naman si Zaugustus. Hindi pa ito nakakakatok ng tatlong beses. Isang babae ang bumungad sa kanila at namangha naman si Zaugustus. Ang mukha nito sa litrato ay parehas na parehas sa personal.

Ang kutis nitong parang perlas at ang height niyang hanggang balikat lamang nila. Habang ang buhok nitong wavy na hanggang siko ay bagay na bagay sa kanya. Medyo kumunot ang noo ni Persephone nang makita niya ang dalawang napakagwapo sa kanyang harapan. Alam niyang hindi ordinaryo ang mga ito ng dahil na rin sa kasuotan. 

Napansin niya ang suot nitong relo at alam ni Persephone na original ito. Kaya naman hindi niya maiwasan na mapaisip kung sino ang mga ito at ano ang ginagawa nila sa harap ng kanyang pinto.

"Do you need something? Pasok kayo." Hindi alam ni Persephone kung bakit niya pinapasok ang dalawa. Hindi naman kasi niya nakikitaan na masama ang mga ito. Kaya naman hindi siya nag-atubilin na papasukin ang dalawa at nagawa pa nga niyang ipaghain ito ng sandwich at tubig.

"Pasensya na pala at ito lang ang meron ako." Sabay ngiti nito. Habang si Zaugustus naman ay bumuntong hininga at hindi na nagpaligoy-ligoy pa.

"Are you pregnant?" Tatalikod sana si Persephone kaso napantig ang taenga niya sa sinabi nito. Hindi nito alam kung bakit ito nasabi ng lalaking nasa harapan niya at biglang nagkaroon ng ideya si Persephone.

Biglang nanginig ang mga kamay ni Persephone. Nang dahil sa pagiging moody nito, bigla itong umiyak dahilan na mataranta ang dalawang magkapatid.

"Brother what are you saying? She's crying!" Halos mapasigaw si Asmodeus at may kasamang pagtataka. Naguguluhan siya at hindi niya inaasahan na ito ang salitang lalabas sa bibig ng kapatid niya.

Habang si Zaugustus naman ay hindi alam ang gagawin. Ayaw niyang makakita ng babaeng umiiyak at lalo na hindi pa siya sanay sa ganitong sitwasyon. Agad itong nilapitan ni Zaugustus, kaso tinulak lamang ito ni Persephone habang hawak-hawak ang kanyang tyan.

"I won't abort this child! This is mine! This is mine!" Halos paulit-ulit si Persephone at hindi ito matigil sa kakaiyak. Nagbigay tuloy ito ng ingay sa buong apartment at agad naman sinarado ni Asmodeus ang pinto. 

Nakaramdam sila nang hiya at hindi alam paano pakakalmahin si Persephone. Biglang lumapit si Zaugustus at hinagod niya ang likod ng dalaga. Hindi naman ito pumalag sa ngayon at hinila niya ito papunta sa upuan at binigyan ng tubig.

"Wala akong sinabi na ipapalaglag mo iyan. Sa katunayan ay gusto ko rin ang bata, kaya ako naririto." Parang nabingi si Asmodeus at hindi na nito maiwasan na magsalita ng hindi maganda.

"W-what do you mean? Are you sure this is your child?" Umiyak muli si Persephone sa narinig niya at para siyang bata. Kaya naman napasigaw na rin tuloy si Zaugustus.

"Asmodeus Fenix Mercedes!" Napatigil tuloy sa pagsssalita si Asmodeus at hindi nagsalita. Habang panay pa rin ang iyak ni Persephone at sumasakit na ang ulo ni Zaugustus ng dahil sa nangyari.

Kahit kailan ay hindi naging interesado sa babae si Zaugustus. Kaya ang lahat ng nakikita niya kay Persephone ay bago lamang sa kanya at sobrang layo ng agwat nila. Siya ay 29 years old na at ito namang si Persephone ay 18 years old lamang. Kaya naman walang kaalam-alam si Zaugustus pagdating sa pag-ibig at hindi rin siya handa na siya ay magiging ama na. 

"Let's have a dinner. Then, I won't force you if you don't want to come with us." Natigilan naman bigla si Persephone ng makarinig siya ng pagkain. Bigla kasi siyang nagutom dahil hirap na hirap siyang kumain ng dahil sa kanyang paglilihi. Halos lahat ng kinakain at iniinom ni Persephone ay kanya ring sinusuka. Walang tinatanggap ang tyan niya kung hindi tinapay lamang at tubig. Kaya ang laman ng refrigerator niya ay puro lamang sandwich.

Tinignan ito ni Persephone na may halong pagtataka, kaso napatango na lang ito bigla dahil nga nakaramdam siya nang gutom. At dahil doon, si Zaugustus naman ay nakahinga nang maluwag. Para siyang natanggalan ng tinik sa dibdib ng pumayag ang dalaga sa kanya.