CHAPTER 11

(Chapter 11)

NANGINGINIG ANG MGA KAMAY ni Kiyumi habang pinipindot ang button ng elevator. Sa bawat pag-akyat ng elevator, mas lalong bumibilis ang tibok ng kanyang puso. Parang may malaking bato sa kanyang dibdib, na nagpapahirap sa kanyang paghinga.

Naalala niya ang mga sinabi ni Yvonne kanina, "Kiyumi, alam kong galit sila sa'yo. Sigurado akong nasa condo mo na sila ngayon." Hindi niya alam kung bakit, pero alam niyang totoo ang sinabi ni Yvonne.

Nang bumukas ang pinto ng elevator, isang malamig na hangin ang sumalubong sa kanya. Parang may isang invisible na kamay na humihila sa kanya pabalik sa loob ng elevator, pero pinilit niyang lumabas.

Ang pasilyo ay tahimik, parang naghihintay ng isang malaking pagsabog. Bawat hakbang ni Kiyumi ay parang isang malakas na tunog sa kanyang tainga.

Nang makarating siya sa tapat ng kanyang pinto, huminga siya ng malalim, at dahan-dahang pinihit ang door knob. Hindi na siya nagulat nang bumukas ito.