CHAPTER 13

(Chapter 13)

HINDI PA RIN MAKAPANIWALA si Kiyumi sa nasaksihan niya kanina. Ibang-iba si Almedel sa nakita niya noon sa kumpanya. Tila ibang tao ito kanina.

Akala niya ay masasaksak na siya ni Almedel, mabuti na lang ay biglang dumating ang tauhan nito na si Yunho. Nagulat na lamang si Kiyumi nang bumagsak si Almedel, akala niya ay napano na ngunit nang makita niya si Yunho sa likuran nito ay nakahinga siya ng maluwag. Sinadyang hampasin ni Yunho si Almedel upang mawalan ito ng malay, yun ang madalas na ginagawa ni Ryker upang pakalmahin siya.

“Nasaan si boss?” biglang sumulpot si Ryker mula sa likuran ni Kiyumi at Yunho. Kasalukuyan silang nasa labas ng kwarto ni Almedel, nag-uusap habang nakatingin sa loob, kung saan mahimbing na natutulog si Almedel sa kama.

“Natutulog na. Mabuti at dumating ako, kung hindi ay baka nasaktan na si Miss Yumi.” Ngumiti si Yunho at tumingin kay Kiyumi.

Bumaling ng tingin si Ryker kay Kiyumi at napakunot ang noo nan