KABANATA 20

"Ikaw ang gusto Zep," sabi ni Ivan habang ngumuso sa banda ng mga babae pero para siyang natigilan nang napatingin siya sa bukana ng bar kung saan pumasok ang bagong dating.

"Sht, angel ba yan?" namanghang sabi ni Ivan. Napatingin ako sa tiningnan niya, pero si Layviel agad ang nakita ko habang hinila ang kasama na nakatakip ang kamay sa tainga.

Napatitig ako kay Layviel at biglang nakaramdam ng init. Sht. Kahit nasa malayo lang ang babae.

"Kasama ni Layviel parang hindi sanay sa bar," komento ni Ivan habang nakatingin rin sa banda kung saan rin ako nakatingin. Tiningnan ko ang kasama ni Layviel na ngayon unti unti ng binaba ang kamay pagkatapos bulungan ni Layviel.

"Yeah," simpleng sabi ko at tumingin kay Layviel na ngayon panay ngisi sa kanyang kasama. Hindi niya pa ako nakita.

"Bakit siya pumasok? hindi dapat nandito ang isang angel," sabi ni Ivan at agad tumayo. Taka akong tumingin sa kaibigan ko.

"Saan ka pupunta?" kunot noong tanong ko sa kanya. Ngumisi lang siya sa akin at dume