Kabanata 090

GEORGE POV

Nagmamadali kong inilapag ang aking mga gamit sa kwatro na tinutuluyan ko sa bahay nila Kuya James. Binati ko naman si Manang ng makita ako nito. Hindi na ako nag aksaya ng oras tumawag na ako kaagad ng angkas rider para mabilis akong makapunta sa Ayala Mall matatagalan kasi ako kung taxi ang kukuhain ko para maghatid sa akin. Kinakabahan ako. Natatakot ako dahil sa aking nalaman. Pumapasok pa rin sa isip ko ang mga sinabi ni Mama tungkol sa pagkatao ko. Hindi lang pala si Ate Kate ang may lihim tungkol sa tunay niyang pagkatao pati pala ako ay hindi tunay na anak ni Papa kaya pala lagi siyang nagagalit sa akin. Pati sa graduation ko ay hindi siya umattend. Naluluha ako habang nakaangkas ako sa na book kong driver. Kailangang malaman din nila Ate Kate ang tungkol sa mga narinig ko sa bahay kanina. Mabuti naman at mabilis lang na dumating ang angkas rider na ito sa Ayala Mall alam kasi niya ang mga short cut na dadaanan.

"Salamat po Manong, keep the change na po" sabi ko