Kabanata 023

KATE POV

Nagulat pa ako sa biglang pagsulpot ni Jay dito sa showroom sa Kuwait. Paano naman niya nalaman kung saan ako naka-assign ngayon samantalang hindi ko naman sinabi sa kanya na lilipat na ako nung nasa Dubai pa ako . Hindi ko din naman sinabi sa mga common friends namin kung saan lugar man ako lumipat ngayon.

Naisip ko na lang baka naman sinabihan na naman ito ng mga kaibigan ko sa Dubai. Minsan madaldal talaga tong mga lukaret na to lalo na at nasuhulan ng konti ng mga items na nagmula sa base bumibigay kagad hindi pwedeng mga bilinan.

Mahigit sa isang taon na din ang nakalipas magmula ng umalis ako ng Dubai, natahimik na din ang buhay ko mula nuon sa pangungulit sakin ni Jay. Hindi sa inaayawan ko ito pero hindi ko lang talaga gusto ang ibang lahi lalo at Kano, may hindi rin kasi magagandang kwento ang mga kaibigan ko sakin tungkol sa mga naging karelasyon nila.

Mula pa naman nuon ay tinapat ko na siya na hindi ko nakikita ang sarili ko na maging karelasyon siya. Ok lang na