Chapter 78

Muling humarap si Gretta kay Andrea na naghihintay lang sa kanya. Narinig nito ang usapan nilang dalawa ni Jenna. Napakalapit lang naman kasi ng mga desk nila kaya dinig na dinig niya 'yon.

"Narinig mo ba ang sinabi ni Jenna sa akin?" mahinang tanong ni Gretta kay Andrea pagkaharap niya. ''Narinig mo naman siguro 'yon. Imposible naman na hindi, eh, magkakalapit lang naman tayong lahat ng desk."

Huminga ng malalim si Andrea at saka ibinuka ang kanyang bibig para magsalita kay Gretta na kaibigan niya na nakanguso.

"Narinig ko naman 'yon, Gretta. Malinaw na malinaw na narinig ko ang usapan n'yong dalawa ni Jenna," tugon ni Andrea kay Gretta na tumango sa kanya.

"Ngayon, ano ang masasabi mo sa narinig mo na 'yon? Natutuwa ka ba? Naiinis ka ba? May nakumpirma ka ba?" tanong ni Gretta sa kanya.

Andrea shook her head slowly and said, "Oo. May nakumpirma nga ako na kaya 'yon nasabi ni Mr. Rodriguez na bawal ang pagbibigay ng mga bulaklak at chocolate ay dahil sa may relasyon nga silang dalaw