Chapter 76

Promoted na nga si Clarissa bilang bagong marketing manager. Siya na ngayon ang uupong marketing manager. Karamihan sa mga katrabaho nila ay binabati siya samantalang ang iba naman ay wala lang. May mga nagagalit rin kasing mga katrabaho niya sa kanya kagaya nina Andrea at Gretta na magkaibigan. Dinala na niya ang mga gamit niya sa bago niyang opisina. Bakante na ngayon ang desk niya. Dahil bakante 'yon ay may bakante rin sa position na iniwan ni Clarissa. Kahit papaano ay natutuwa sina Andrea at Gretta dahil hindi na nila makikita palagi sa department nila si Clarissa. Bihira na lang nila na makita 'to. Hindi naman nila kailangan na puntahan si Clarissa sa opisina nito dahil hindi naman sila under nito.

"Saan ka pupunta?" tanong ni Gretta kay Andrea nang tumayo ito na may hawak na puting folder na may laman na mga papeles na dadalhin niya sa opisina ng department head nila para papirmahan 'yon. Kakatapos pa lang niya na i-print ito.

"May papipirmahan lang ako sa department head nati