Chapter 56

Tinawagan kaagad ni Andrea si Martin nang matapos nilang mag-usap ng kaibigan niya na si Gretta. Sinabi niya na magkita silang dalawa mamaya pagkalabas niya sa opisina na pinagtatrabauhan niya. Hindi na muna niya sinabi kay Martin na hindi tinanggap 'yon ni Ella Marie. Gusto niyang sabihin 'yon kapag nagkita na sila mamaya.

"Tinanggap ba ni Ella Marie ang pinabibigay ko sa kanya na bouquet at chocolate, huh?" tanong ni Martin sa kanya sa kabilang linya.

Humugot muna si Andrea nang malalim na buntong-hininga at saka nagsalita sa kabilang linya. "Puwede ba na mamaya ko na lang sa 'yo sabihin, huh?" sagot nga ni Andrea kay Martin na nagtataka kung bakit mamaya niya pa 'yon sasabihin. Simpleng katanungan lang naman 'yon at kahit nakapikit siya ay kaya niyang sagutin.

"A-ano? Bakit mo pa mamaya sasabihin, huh? Napakasimpleng tanong lang naman 'yon, eh, simple rin ang sagot. Hindi mo naman kailangan na patagalin pa 'yon, Andrea. Kahit nakapikit ka ay kaya mo na sagutin 'yon, 'di ba? Gusto