Chapter 58

Pagkapasok na pagkapasok ni Andrea sa loob ng bahay nila ay ang dala niyang bouquet ang napansin ng mga magulang at kapatid niya. Hinihintay na siya nito na mag-dinner.

"Ba't may dala kang bouquet ngayon, Andrea? Sino'ng nagbigay n'yan sa 'yo?" tanong ni Merla sa kanya nang huminto siya sa paglalakad at inilagay sa lalagyan ang bulaklak na may tubig upang hindi kaagad ito malanta.

"Galing po 'to kay Martin," mahinang sagot niya. Sinabi niya ang totoo sa harap ng mga magulang niya dahil kung magsisinunggaling pa siya na hindi 'yon sa kanya ay sigurado na hahaba pa ang usapan nila. Nagkatinginan ang mga magulang niya na may ngiti sa mga labi pagkasabi niya na galing 'yon na bouquet kay Martin.

"O, talaga ba na galing 'yan kay Martin?" paniniguradong tanong ni Merla sa kanyang anak na si Andrea na kaagad naman na tumango.

"Opo. Galing po ang bouquet na 'to sa kanya at may kasama pa pong chocolate," sabi ni Andrea na kinakabahan.

"Magandang marinig 'yan mula sa 'yo. Bakit ka naman niya