Chapter 20

"Oh, gising ka pa ngayon, Ella Marie. Bakit ka nga pala napatawag?" nakangising tanong ni Andrea sa kabilang linya kay Ella Marie nang sagutin niya ang tawag nito. Nawala ang antok niya dahil sa pagtawag na 'yon ng katrabaho niya. Humugot nang malalim na buntong-hininga si Ella Marie bago sumagot sa kanya.

"Wala lang. Gusto ko lang tawagan ka, eh. Nakahiga na ako ngayon sa kama ko kaso hindi pa ako makatulog, eh,'' mahinang sagot ni Ella Marie sa kanya. "Ewan ko ba kung bakit hindi ako makatulog ngayon."

"Ah, ganoon ba?" sabi naman ni Andrea.

"Oo. Kahit ano'ng gawin ko ay hindi ako makatulog kaya naisipan ko na tawagan ka ngayon. Hindi rin kasi ako sinasagot ng kaibigan ko na si Clarissa. Nakailang tawag na ako ngunit wala talaga, eh. Mukhang busy siguro kasama ang boyfriend niya."

"Alam mo ba na kapag hindi ka raw makatulog sa gabi ay may taong nag-iisip sa 'yo," wika ni Andrea kay Ella Marie sa kabilang linya.

"Talaga ba? Totoo ba 'yon? Maraming beses ko nang n