CHAPTER 6

CHAPTER 6

"Saan ang punta mo?" nagtataka na tanong ni Nikka habang inaayos ko ang bag ko.

"Huwag mo sabihin na may raket ka na naman? Hindi ba usapan natin sasamahan mo ako sa Mall ngayon?" paalala niya sa akin.

Natigilan ako sa ginagawa ko at napatingin ako sa kanya. Nawala sa isip ko na may usapan nga pala kami ng pinsan ko ngayon. Hindi ko agad nabanggit sa kanya kahapon dahil tulog na siya pag-uwi ko sobrang dami kasi ng tao sa Bar dahil Sabado. Hindi na ako pwedeng mag-back out kasi nag-confirm na ako kay Edu at nakakahiya naman sa kanya. Na-guilty tuloy ako dahil minsan lang kami lalabas ni Nikka pero nakalimutan ko pa.

"Sorry, nakalimutan ko," malambing na tugon ko at tinaasan niya ako ng isang kilay saka nilagay ang dalawang kamay sa bewang.

"Althea, huwag mo ako daanin sa mga ganyan mo dahil alam mo na hindi eepek sa akin ang pagpapa-cute mo," inis na sabi niya at yinakap ko siya sa tagiliran.

"Sorry talaga nawala kasi sa isip ko. Promise, babawi ako sa iyo next week hindi ko lang talaga pwedeng tanggihan ang raket na ito," malambing na sabi ko at sumimangot siya.

"Okay, madali naman ako kausap basta libre mo," tugon niya at napangiti ako saka sumenyas ng okay sign.

"Kailangan mo na talaga magkaroon ng boyfriend," umiiling na sabi niya at kunot ang noo nakatingin ako sa kanya.

"Paano naman nasali iyon usapan natin? Ano naman kaya ang kinalaman ng pagkakaroon ng boyfriend?" nagtataka na tanong ko at ipinagpatuloy ko na ang pag-aayos ng bag ko.

Wala kasi nasabi si Eduard kung ano ang dapat na isuot tinanong ko naman siya kanina pero hindi pa siya nag-reply kaya naisip ko na magdala ng extra white at black t-shirt para kung sakali. Nagdala na rin ako ng black shoes in case na kailangan. Iyon naman kasi ang kadalasan na kulay ng damit na sinusuot namin.

"Kasi kung may boyfriend ka sigurado na mababawasan ang mga raket mo at magkaroon ka ng oras para sa sarili mo. May mag-aalaga na sa iyo at magkakaroon ng kulay ang buhay mo," tugon niya habang nakatingin sa gamit ko at umiling ako.

"Hindi ko kailangan magkaroon ng boyfriend para magkaroon ng oras sa sarili ko. Pwede ko tanggihan at tanggapin ang mga raket kung gugustuhin ko. Mag-aalaga? Hindi na ako bata para alagaan at saka iyong huling taong gumawa noon sa akin ang nag-wasak sa puso ko. Kaya kong alagaan ang sarili ko na hindi umaasa sa ibang tao. Kulay? Ano pang kulay ang kailangan sa buhay ko." sabi ko at sinara ko na ang bag na dadalhin ko.

Naniniwala ako na experience make us stronger and wiser dahil iyon ang nangyari sa akin. Sa sobrang pangungulila ko sa pamilya at paghahanap ng pagmamahal ay nakalimutan ko na ang sarili ko. Sa kanya umikot ang mundo ko dahil sa sobrang pagmamahal ko sa kanya. Pinaramdam niya sa akin kung paano mahalin at pahalagahan pero hindi naman iyon nagtagal. Katulad ng pamilya ko ay iniwan din niya ako pero mas masakit ang ginawa niya sa akin.

"Alam mo Thea, hindi ko alam kung bitter ka lang ba at hindi pa naka-move on o nilamon ka na ng galit mo kaya ka ganyan. Ang harsh mo kasi masyado sa sarili mo," sabi niya at huminga ako nang malalim.

"Natuto lang talaga ako sa mga nangyari sa akin noon. Madaling magpatawad pero mahirap makalimot. Madali kasing sabihin na okay na ako pero sa totoo lang ay sariwa pa ang sugat at ayoko ng maranasan ulit ang sakit na naramdaman ko noon," paliwanag ko at nakita kong lumungkot ang ekspresyon ng mukha niya.

"Alis na ako medyo malayo rin iyong event. Hindi ako pwedeng ma-late kasi may brief orientation pa raw sabi ni Edu," paalam ko sa kanya at tumango siya.

"Sige, mag-ingat ka sa byahe mo." Tugon niya at hinalikan niya ako sa pisngi.

Hindi na ako nagpasundo pa kay Eduard kahit pa nga nagsabi siya dahil alam kong busy rin siya. Ang banda nila ang tutugtog sa party kaya sigurado na mag-set up pa sila. Ang sabi niya pwede ako sumakay ng taxi at siya na ang magbabayad pagdating ko roon pero hindi ako pumayag. Alam ko naman ang lugar medyo may kalayuan nga lang kaya kailangan ko umalis ng maaga. Isang private resort sa loob ng subdivision ang venue na pagmamay-ari rin ng Boss ni Eduard.

"Gago ka talaga kahit kailan!" galit na sabi ko ng makita ko siya paglabas ko ng dressing room.

Nakita kong natulala siya pagkakita sa akin. Mas lalo ako nakaramdam ng inis dahil hindi ko masabi kung okay lang ba ang itsura ko o masagwa. Pagdating ko kanina ay nilapitan agad ako ng isang babae at tinanong kung isa ba ako sa mga waitress. Nagulat ako nang tingnan niya ako mula ulo hanggang paa. Hindi ko alam kung ano ang magiging reaksyon ko ng ngumiti siya at nag-thumbs up. Tinuro niya sa akin kung saan ako dapat pumunta. Ang inaasahan ko ay orientation ang mangyayari pero may iba pa pala. Pagkatapos sabihin sa amin kung ano ang mga kailangan namij gawin ay binigyan ng isang supot at sinabi na kailangan namin iyon suotin. Ganoon na lang ang paglaki ng mga mata ko ng isa-isa ng ilabas ang laman ng supot. Gusto ko na sana mag-back out pero alam kong hindi na pwede. Sinuot ko na lang iyon kagaya ng ginawa ng mga kasama kong babae. Ilang beses ko pinagmamasdan ang sarili ko sa salamin pagkatapos ko isuot ang costume. Naninibago ako at medyo naiilang dahil hapit na hapit iyon sa katawan ko. Komportable naman siya suotin dahil maganda ang tela. Huminga muna ako nang malalim bago ako lumabas ng dressing room. Gusto kong sakalin si Eduard nang makita ko siya. Kung hindi ko pa siya sinuntok sa dibdib ay hindi pa siya mahimasmasan. Tiningnan niya ako mula ulo hanggang paa saka tuwang-tuwa na pumalakpak.

"Rawr!" natatawa na sabi niya at tiningnan ko siya nang masama.

"Pwede ba sa susunod pakibigay ang buong detalye ng raket!" gigil na sabi ko na pinipigilan ko ang sumigaw.

Nakita ko na pinipigilan niya ang tumawa kaya lalo akong nainis sa kanya. Kung hindi ko lang talaga kailangan ng pera ay kanina pa ako nag-walk out. Ang init-init na ng pisngi ko dahil nahihiya at conscious ako sa itsura ko.

"Hindi ko naman alam na may uniform pala at saka kung alam ko na meron hindi ko rin sasabihin sa iyo," natatawa na sabi niya at sinuntok ko siya sa braso.

"Catwoman talaga? Siguro manyakis 'yang Boss mo. Sa dinami dami ng pwedeng suotin ito pa talaga," bulong ko .

"Grabe ka naman Thea dahil ganyan ang napili niya manyakis na agad? Ang judgemental naman nito. Mahilig kasi si Boss sa mga pusa in fact may pinagawa pa nga siyang shelter para sa mga pusang gala. Huwag ka na mag-reklamo dahil bagay naman sa iyo. Wala ka rin dapat ikahiya dahil hindi naman nila makikita ang mukha mo kaya safe na safe ka," sabi niya.

Tiningnan ko ulit ang sarili ko sa salamin at sinuot ko na ang mask. Tama naman siya hindi nga makikita ang mukha ko kaso naiilang lang talaga ako dahil hapit na hapit ang suot ko. Halos lumuwa na rin ang dibdib ko dahil sa sobrang sikip ng suot ko.

"Ano pa nga ba ang magagawa ko eh nandito na ako. Kung hindi lang talaga malaki ang bigayan kanina pa ako umalis. Ilang oras lang naman ito kaya okay na rin," sabi ko.

"That's my Girl! See you later, Babe." nakangiti na paalam niya sa akin.

"Babe mo mukha mo! Hindi ibig sabihin nito ligtas ka na dahil hindi pa tayo tapos. Humanda ka sa akin mamaya," inis na sabi ko at tumawa lang siya saka nag-flying kiss bago siya tumalikod.

"Althea, kaya mo ito hindi ka dapat mailang. Oo, hindi naman nakakaasiwa tingnan dahil bagay na bagay sa iyo. Gawin mo lang ang trabaho mo at ilang oras lang tapos na." Kumbinsi ko sa sarili habang nakatingin sa salamin.

Hinati kami sa dalawang grupo. Ang unang grupo ay nasa buffet table para mag-serve ng pagkain. Ang ikalawang group naman ay para mag-serve ng mga drinks at pica-pica sa mga guest. Napasama ako sa ikalawang grupo. Ilang sandali lang ay nagsimula na ang party at sa palagay ko ay mas mukhang bachelor party iyon kaysa birthday party. Ilan sa mga bisita ay naka-super hero costume. Pinakilala na ang birthday celebrant at nakasuot siya ng Batman na costume. Aside sa pagiging cat lover ay nalaman ko na big fan siya ni Batman. Nakakatuwa sila pagmasdan dahil sa magaganda nilang costume.

"Iba talaga ang trip ng mga mayayaman. Sabagay, keber ko naman pera nila iyon at hindi sa akin. Pwede nila gawin ang lahat dahil marami silang pera," bulong ko.

Nakilala ko na kanina ang iba pa na kasama kong waitress sa dressing room habang nagbibihis kami. Ang gaganda nila kaya naman lalo akong na conscious. Mga friendly, mabait at makulit kaya naman kahit paano ay naging komportable na ako. Ang iba sa kanila ay magkakilala na at tulad ko ay may mga sideline rin sila bukod sa pinaka-trabaho nila. Nagpalitan kami ng mga number at natuwa ako dahil inalok nila ako na sumama sa kanila kapag may mga sideline sila. Habang nagbibihis kanina ay nakikinig lang ako sa mga kwentuhan nila.

"Grabe girls ang daming mga gwapo. Parang nagtipon-tipon sa isang lugar ang mga yummy at hot na papabols," nakangiti na sabi ng isa naming kasama at tuwang-tuwa ang mga ito.

Nasa isang gilid kami na medyo may kalayuan sa stage kung saan ay nagbibigay ng speech ang celebrant. Naghihintay pa kami ng go signal para pumunta sa mga pwesto namin. Habang naghihintay ay halatang excited na ang mga kasama ko na taliwas sa nararamdaman ko. Ang nasa isip ko lang kasi sa mga oras na iyon ay ang matapos na ang gabing ito.

"Oo nga sana ay makabingwit tayo dahil kapag nagkataon ay para na tayong nanalo ng jackpot. Balita ko kasi lahat ng bisita ni Sir Patrick ay mga bigatin at hindi basta-basta. Mga galing sa mayaman na pamilya, negosyante at take note mga single pa ang iba sa kanila," sabi naman ng isa habang inaayos ang suot niya para lalong makita ang cleavage niya.

Gusto kong matawa sa sarili ko dahil kung ako ay naiilang sa suot ko ang iba ko naman na kasama ay lalong pina-sexy ang costume na suot nila.

"Oh my gulay! Sana matapos na agad ito." bulong ko sa sarili.

Ilang oras pa at binigyan na kami ng hudyat na i-serve ang alak sa mga guest sa labas. Alak ang nakatalaga sa akin kaya kailangan ko maging maingat sa dala ko. Kitang-kita ko ang mga reaksyon ng mga bisita habang kami ay nag-serve lalo na ang mga kalalakihan. Napabuntong hininga na lang ako ng makita ang iba kong kasama na nakikipag-flirt sa mga guest. Hindi naman ako against sa ginagawa nila. Mas naging alive pa ang party dahil sa banda ni Eduard. Lahat ng bisita ay halatang nag-e-enjoy sa party. Ang iba nga ay lumusong na sa pool at may Ilan naman na sumasayaw sa gilid ng pool. Umiwas ako ng tingin ng nagkatinginan kami ni Eduard. Habang lumalalim ang gabi ay mas dumami pa ang mga bisita.

"Thea, ikaw na ang magdala nitong mga drinks doon sa table ng celebrant," utos sa akin ni Tina, ang organizer ng event at tumango ako.

"Okay po," sagot ko at nilagay ko na sa tray ang bote ng alak pati na rin ang mga shot glass.

"Good evening Sir, your drinks." sabi ko at nakatingin sa akin ang mga ito habang pinapatong ko sa lamesa ang dala ko.

"Thank you," tugon niya at tumungo ako bago umalis.

Pagbalik ko sa counter ay sinabihan ako ni Tina na mag-break na muna. Sinabihan din niya ako na kumain na rin at tumango ako. Kumuha muna ako ng pagkain at pumunta sa dressing room kung saan ay nandoon din ang iba kong kasama na kumakain. Binigyan lang kami ng forty-five minutes break. Napasandal ako sa upuan pagkatapos ko kumain. Nararamdaman ko na ang pananakit ng binti at paa ko pero kailangan ko tiisin. Wala naman trabaho na madali lalo na sa panahon ngayon at maswerte pa nga ako dahil may pagkakataon ako na kumita ng extra sa marangal na paraan. Nagpaalam ako sa kanila para pumunta sa garden para magpahindag dahil naparami ang kain ko.