Kabanata 4 The Cure

“Sir Lucian, may appointment po kayo kay Dr. Mendoza,” anang secretary na si Kiel.

Dumating ang duktor sa kanyang opisina.

“Mr. Monteverde, wala akong makitang mali sa pisikal mong pangangatawan ayon sa test results. Kaya maaaring psychological ang problema ng iyong erectile dysfunction. Pero pwede nating subukan ang treatment o maaaring kumuha ka ng babaeng makakatulong sa’yo. Ang sabi mo ay maayos ang sex life mo noong nabubuhay ang asawa mo kaya posibleng makatulong na kumuha ka ng babaeng kahawig ng asawa mo upang ma-stimulate ang iyong pagkalalaki. O baka may video o larawan ka niya na ---”

“Maraming salamat Dr. Mendoza. Ipapatawag ko na lamang kayo ulit. Sa tingin ko, nakita ko na ang gamot sa sakit ko,” nakangisi niyang sabi.

“Kiel, investigate Emerald Diaz at kung ano ang ginawa niya sa nakalipas na dalawang taon.”

“Sir, dalawang taong na pong patay ang asawa ninyo,” litong sabi ng secretary.

“Nakita ko siya. Palabas lamang niya ang pagkamatay niya para makatakas sa akin. She won’t escape this time.”

“Sir, mas mainam po na hayaan ninyo na lang si Ms. Em. Hindi naman po ninyo siya mahal. Mas madalang kayong galit noong nawala siya.”

“Hindi mo ba nakikita ang punto ko? She’s my cure. She’s so good in bed na mukhang hindi ako maka-move on kaya hindi ako ma-attract sa ibang babae. At isa pa hindi pa siya bayad sa pagpatay kay Abby.”

“Paano kung ayaw na po niyang bumalik?”

“Of course, gagawan ko ng paraan ‘yan. Babalik siya sa akin!” aniyang nabali ang lapis na hawak ng maalala ang galit sa babaeng naging sanhi ng pagkamatay ni Abby, ang kanyang first love at tagapagligtas.

Hindi niya makakalimutan ang araw na nawala si Abby.

“Sir, Lucian, nasa rooftop sina Ms. Abby at Ms. Em. Nag-aaway sila!” humahangos si Kiel. Halos liparin nila ang hagdan makarating lamang sa rooftop. Malamang ay sinabi ni Emerald ang lihim nilang relasyon.

Naabutan niya si Abby at Em na nagpapambuno. May hawak na patalim si Abby.

“Malandi ka! Hindi mo maaagaw si Lucian. Papatayin kita!” hiyaw ng kasintahan. Noon lamang niya nakita si Abby na matindi ang galit.

“Ano bang sinasabi mo! Inutusan mo akong akitin siya! Ikaw ang mahal niya, huminahon ka. Tama na! Mag-usap kayo.”

“Abby, huminahon ka!” aniya ngunit tila bingi ang dalawang babae. Lumapit siya sa dalawa.

Sa sobrang galit ni Abby ay napakalakas nito at naitulak ng malakas si Emerald ngunit nakakapit ito sa bakal na harang. Mabilis ang mga pangyayari at nawalan ng balanse si Abby at tuluyang nahulog sa ikalabinlimang palapag ng gusali. Hindi na ito umabot ng buhay sa ospital.

Nagsampa siya ng demanda kahit ayaw ng pamilya ni Abby. Ngunit malinaw na self-defense ang nangyari ayon na din sa mga saksi at sa CCTV. Pero hindi niya hahayaang hindi mabigyan ng katarungan ang pagkamatay ng kasintahan. Kaya naman pinakasalan niya si Emerald Diaz na kanyang lihim na babae ng dalawang taon na nagbibigay sa kanya ng aliw dahil abala ang girlfriend niya sa fashion shows at career nito as a model. Binayaran niya ito upang ilihim ang kanilang relasyon na purely pisikal lamang.

Magaling itong sekretarya at magaling din sa kama. Masunurin din ito. Kahit kailan ay hindi siya nito binigyan ng sakit ng ulo. Pinapirma niya ito ng kontrata at sinustentuhan upang maging secret lover niya. Hindi niya inaasahang magkakainteres ito sa kayamanan niya at sisirain ang relasyon nila ni Abby.

“Sir Lucian, may problema po sa entries natin sa competition,” bungad ni Luna, ang Head ang Design Department na dahilan upang mabalik siya sa kasalukuyan.

“Ang LM Corporation ay may problema? Kilala ang likha nating footwear hindi lang sa bansa kundi maging sa iba’t ibang parte ng mundo. Anong problema?”

“Sir, the judges want to meet the designer of the shoes.”

“So? Anong problema? Isama bukas ang designers.”

“Sir, gawa po ng isang freelancer ang lahat ng design na nakapasok sa finals. Walang contract at hindi natin official na empleyado. Baka madisqualify po tayo at malaking kahihiyan ang abutin ng kumpanya.”

“Last two years ay tayo ang panalo, nasaan ang mga designer na iyon?”

“Sir, sa nakalipas na dalawang taon ay si Queen M ang lahat ng creator ng nanalong designs.”

“What? Anong silbi ng department mo! Hanapin mo ‘yang si Queen M at papirmahin ng kontrata!”

“Sir, ayaw pong pumirma at maging exclusive employee si Queen M.”

“Offer her a big amount of money. At sinong wala sa katinuan ang tatangging maging parte ng LM Corporation?”

“Sir, hindi po ninyo naiintindihan,” wala ng kulkay ang mukha ng babae.

“Alin ang hindi ko naiintindihan? Luna, nauubos na ang pasensya ko sa’yo! Iharap mo sa akin si Queen M! Ako ang kakausap sa kanya!”

Nanginginig ang labi ng kausap. “Sir, hindi papayag si Queen M na maging empleyado natin.”

“Gawan mo ng paraan ‘yan or you’re fired! Ipapa-ban kita sa industry. Hindi ko hahayaang ang pagkakamali mo ang maging simula ang pagkasira ng reputasyon ng kumpanya!” mabagsik ang anyo niya upang mas takutin ang empleyado.

“Sir, si Queen M ay si Emerald. Buhay pa po siya at natitiyak kong ayaw ninyo siyang makita. Hindi natin siya pwedeng kuhaning empleyado,” naiiyak na sabi ni Luna.

“What a surprise! Talk to her. Kumbinsihin mo siyang muling maging empleyado ng LM Corporation,” aniyang may ngiting tagumpay. Hindi niya inaasahan ang madaling pagpapalik kay Emerald. Kapag nga naman umaayon ang kapalaran.

***

Tumatawag si Luna na sinagot ni Emerald.

“Em, tulungan mo ako,” umiiyak ang kaibigan.

“Bakit? Anong nangyari?”

Ikinuwento ni Luna ang problema. Paano niya papabayaan ang matalik na kaibigan na tumulong sa kanya upang kumita at buhayin ang pamilya. Ito din ang nagbantay sa kanyang sa ospital at nagbayad ng bills. Hindi niya kayang biguin ang kaibigan.

Napabuntunghininga siya.

“Sige, pipirma ako ng kontrata,” matapang niyang sabi. Tiwala siyang kaya niyang pakiharapan ang dating asawa. Wala na siyang kahit anong damdamin para kay Lucian. Kapag walang feelings, hindi na siya maaapektuhan ng presensya nito. Hindi siya nabuhay muli para bumalik sa pagiging tanga!