Kabanata 330

Sa master’s bedroom, mahimbing na natutulog si Avery para makabawi sa naging jetlag niya. Kaninang alas sais ng umaga pa siya nakarating.

Nagmamadaling tumakbo si Layla at hinawakan ang kamay ng kanyang mommy. Umiiyak siya habang ginigising ito, “Mommy! Mommy! Gumising ka! May kailangan akong sabihin sayo! Bilisan mo!”

Nang marinig ang boses ng anak, pinilit ni Avery na imulat ang kanyang mga mata.

“Mommy, sabi ni Shea mamatay na daw siya. Alam kong kaya mo siyang pagalingin. Please Mommy, iligtas mo siya!” Pagmamakaawa ni Layla.

Biglang napabangon si Avery.

At doon niya nakita si Shea na nakatayo sa likod ni Layla.

Huminga siya ng malalim at gusto niya sanang tumanggi pero hindi niya rin alam kung bakit pero ibang mga salita ang lumabas mula sakanyang bibig, “Paano mo naman nasabing mamatay ka na Shea?”

Nang makita ni Mrs. Scarlet na hindi makasagot si Shea, siya na ang nagsalita para rito, “Mula nang matapos itong nakaraan niyang surgery, palagi nalang siyang nanghihina.