Kabanata 89

'Diyos ko, ano ba 'tong iniisip ko? Ling Yiran, tumigil ka nga! Bakit mo iniisip yan?'

"Ang weird lang kasi ng feeling na ganito tayo kalapit," Nahihiyang paliwanag ni Ling Yiran.

"Okay." Dahan-dahang binitawan ni Yi Jinli si Ling Yiran at tumalikod para ligpitin ang mga nakakalat sa lamesa.

At doon lang nakahinga ng maluwag si Ling Yiran.

"Siya nga pala, ate. Noong magkalapit tayo kanina, gusto mo ba akong halikan?" Biglang tanong ni Yi Jinli, na sobrang gumulat kay Ling Yiran.

Ang buong akala ni Ling Yiran ay tapos na ang ilangan, pero dahil sa naging tanong ni 'Jin', muling bumilis ang tibok ng puso niya.

"Mahirap bang sagutin yung tanong ko?" Tanong ni Yi Jinli na bahagyang nakakunot ang noo.

"Ah..."

"Kung ate ko ang hahalik sa akin, papayag ako. Pero kung ibang babae, ayoko."

'Nagjojoke ba siya? Pero... mukha naman siyang seryoso...'

Gusto sanang sabihin ni Ling Yiran na 'kapatid lang ang tingin ko sayo' pero sa mga binitawang salita ni 'Jin', halos hindi niya