Kabanata 38: Reveal

"TALI, anak," narinig niyang tawag sa kaniya ng kaniyang ina habang tahimik siyang nakaupo sa sala ng bahay. Malalim na ang gabi pero hindi pa rin siya makatulog dahil sa patuloy na gumugulo sa isip niya ang lahat ng sinabi ng ina ni Kendric. Humarap siya kay Caroline at ngumiti. "Bakit gising ka pa?"

Yumuko siya at marahang hinaplos ang braso niya na nakahalukipkip. "Hindi pa po kasi ako inaantok, Mom," dahilan niya.

Lumapit ito sa kaniya at umupo sa kaniyang tabi. Bumuntong-hininga ito. "Dahil ba 'to sa pamilya ni Kendric? Hindi mo sa akin maitatago ang nararamdaman mo, 'nak dahil kung ano'ng nararamdaman mo, ganoon din sa akin. Everything changed hindi lang sa buhay na mayroon tayo, kung 'di maging sa mga taong kaibigan natin noon," malungkot na pagtatapat ni Caroline.

Kumawala siya ng hangin at malungkot na tiningnan ito. "Mom, lahat ba ng nararanasan ko, ng pamilya natin ay dahil sa pagkakamaling nagawa ko noon?" Nanubig ang mga mata niya at bahagyang kumiling. "I'm sorry, Mom!