CHAPTER 5 - KING AND QUEEN

Pinapawisan na talaga ako ngayon. Limang oras na akong kumukuha ng exam dito sa Office ni Dr. Zane. Sa tuwing nakakatulog ako, isang halik niya sa labi ko ang nagpapa gising sa akin. Siyempre dahil sa antok at pagod na ang utak ko sa exam, kaya hindi ko namamalayan nakaidlip na pala ako. Yun, nakakarami na rin ng halik si Dr. Zane sa akin.

“Kaya mo pa ba?" Bahagya akong nagulat ng maramdaman kong nasa likod ko siya dahil naamoy ko ang mainit niyang hininga na dumadampi sa batok ko.

“Pwede bang bukas na lang yung iba sir? Pagod na talaga ang utak ko sa kakaisip.”

“Sino ba kasi ang iniisip mo? Alisin mo muna siya sa isipan mo at mag focus ka sa questionnaire.”

Nagsitayuan na ang balahibo ko nang makitang halos magkadikit na ang mukha namin ni Dr. Zane.

“Hindi naman sa ganun sir, inaantok na kasi talaga ako. Please bukas na lang po ang iba.”

“Kapag hindi mo yan tinapos ngayon, Just bring it home. Tuturuan kita sa mga subjects na nahihirapan ka.”

“Po? Naku hindi pwede sir, bawal po kayo doon sa dormitory ko.” natatarantang sagot ko ng marinig ang sinabi niya.

“No, that’s not what I mean. From now on, lilipat ka na sa condo ko.”

Biglang nawala ang antok ko sa sinabi niya. Nagtataka na tiningnan ko siya sa mga mata.

“Sir, nagbibiro po ba kayo? Ano naman ang pambayad ko sa condo mo?”

“There’s no need to pay me. Every weekends in the morning tumatanggap ako ng patients sa clinic ko, and every afternoon bumibisita naman ako sa mga pasyente ko sa hospitals. Dahil kailangan mo rin ito sa practicum mo, kaya I offered you a job. Sa akin ka na mag On-the-Job training. Maliban sa naka pag practicum ka na, sumasahod ka pa.”

“Talaga po sir? Kukunin niyo akong maging nurse ninyo?”

“Hmmm.”

Sa sobrang tuwa ko nang tumango siya, agad akong napatalon at yumakap sa kanya habang pinag hahalikan ang lahat sa mukha niya, kulang na lang sa labi.

“Yes! Thank you sir. Hulog ka ng langit. Problema ko pa naman yan ngayon dahil, hindi na ako binibigyan ng allowance nina mama. Mabuti nga free tuition ako dito eh.”

“I don’t expect, may lahing palaka ka rin pala. Daig mo pa nga sila kung tumalon.” Nang-aasar na sabi nito, habang namumungay ang kanyang mga mata na nakatingin sa akin.

Agad akong nakaramdam ng hiya ng mapansin kong nag pakarga na pala ako kay Dr. Zane. Bumaba ako mula sa pagkarga niya at patay malisya na bumalik sa aking upuan.

Nakita kong panay ang pahid ni Dr. Zane ng pawis sa kanyang noo, ng bumaba na ako. Naiinitan ba siya? Parang ang lamig naman ng aircon ah. Maya-maya pay nakita ko ulit siyang naghubad ng kanyang long sleeve at pumasok sa Cr. Ano kaya ang nangyari sa kanya? Ganun na ba ako kabigat? Kailangan ko na yata ang mag gym.

Isang oras na ang lumipas saka ko pa lang nakitang lumabas si Dr. Zane sa cr. Nagtataka ako bakit ang tagal niya.

“Sir, anong nangyari po sa inyo?” sa wakas ay natanong ko.

“Wala, naligo lang ako, Para mamaya, ready na akong pumunta sa party ni Claire.”

Tiningnan ko ang orasan sa wall ng opisina niya.

“Mag-aalas sinko pa lang naman po sir ah. Ang aga niyo naman yata maligo.” wika ko sa kanya. Agad ko namang nakita ang matalim niyang tingin sa akin.

“Tapusin mo na yang exams mo, or baka gusto mong dagdagan ko pa yan mamaya?”

“Ito na nga po sir, matatapos na po ako.”

“Kailangan mong matapos yan lahat ngayon, dahil magsisimula na tayo mamaya sa lecture.”

Nagkasalubong kaagad ang kilay ko sa sinabi niya. Hindi naman kaya, abuso na sa studyante mo yan sir? Kapag gabi na, kailangan rin magpahinga ng estudyante mo. Isa pa may event pa akong pupuntahan mamaya.” nagmamaktol na sagot ko sa kanya.

Nakita kong saglit na rin siyang nag-isip.

“Alright, bukas na lang. Pagkatapos mo diyan, pwede ka nang umuwi, para makapag handa ng susuotin mo mamaya.”

“Hindi naman po kailangan maghanap pa ako ng maisusuot dahil wala naman akong balak magpaganda doon. Siya nga pala tapos ko nang sagutin lahat ng questionnaire sir. Pwede na po ba akong umuwi?”

“Sige iwan mo na yan diyan sa mesa. Come here.”

Agad naman akong lumapit sa kanya.

“Bakit po sir?” Kinakabahan kong tanong. Nakita kong may kinuha siya sa kanyang bulsa.

“Here. Idaan mo ito sa Fashion Boutique ni Rachel, tapos ibigay mo ito sa kanya. Alam na niya kung ano ang gagawin diyan.”

Kinuha ko ang makapal na sobre mula sa kanya,tsaka nagpaalam ng umalis.

6:30 P.M Thirty minutes before the Masquerade party starts.

"Ayyyy…bongga! Napakaganda mo girl. Kahit sinong lalaki sigurado akong maglalaway kapag nakita ka nila. Nakakainggit ngayon ang beauty mo bakla."

Napa dilat ako ng aking mga mata ng marinig ang sigaw ni Rachel. Agad akong bumangon mula sa pagkakahiga para lang magulat ng makita ko ang aking mukha sa salamin.

"Jusko, anong ginawa mo?" Baling ko kaagad kay Rachel.

Hindi ako makapaniwala na nahulog ako sa mahimbing na pagtulog, paggising ko hindi ko na kilala ang mukha ko.

Pumayag ako kay Dr. Zane na dumaan sa Fashion Boutique ni Rachel dahil hindi naman ito kalayuan sa Dorm na tinutuluyan ko. Napapayag naman ako ng bakla na pumasok dito sa loob ng boutique niya dahil may ginagawa pa daw siya. Binigyan niya ako ng juice at uminom naman ako. Hindi ko alam kung bakit ako nakatulog kaagad.

"Taray mo girl. Ang ganda mo talaga. Oh siya magbihis ka na at baka ma late ka na sa party."

Tiningnan ko ang orasan sa aking wrist watch, agad akong tumakbo palabas ng boutique ni Rachel, ng makitang malapit na magsimula ang party. Baka hahaba na naman ang nguso ni Claire kung ma late ako.

"Teka Blaze saan ka pupunta bakla?" Narinig kung pa habol na sigaw ni Rachel.

Akmang bubuksan ko na ang glassdoor para lumabas, ngunit pinigilan niya ako.

"Ano, bakla aalis ka na lang ba na ganyan ang bihis mo? Di kaya ma turn off sa'yo ang knight in shining armour mo ngayong gabi?"

Tiningnan ko ang damit ko at naka nursing uniform pa pala ako.

"Kasalanan mo kasi ito bakla eh, kung hindi mo ako pinapasok dito sa loob ng shop mo eh di sana nakahanap na ako ng masusuot ngayon."

"Hahaha, no worries bakla, may mga gowns ako dito, pahiramin kita. Halika na dali."

Wala na akong magawa, kundi ang sumang ayon kay Rachel. Kung hindi ko lang talaga ito kaibigan, kanina ko pa ito inupakan.

"Oh ito pumasok ka na sa dressing room, isuot mo itong gown. Ingatan mo yan ha. Mahal ang gawa diyan."

" Ayaw ko nito, masyado itong maganda at mamahalin. Bigyan mo ako ng tama lang sa presyo, baka mamaya masira ko pa yan, wala akong pambayad."

"Echoserang palaka. Malalate ka na, naghahanap ka pa ng murang susuotin. Magmadali ka nang magbihis dun."

Nag-aalangan man, ay pumasok na ako sa loob ng dressing room. Wala akong kaalam-alam na may sabwatan pa lang nangyayari.

"Hello, sir Zed, nagawa ko na po ang pinag-uutos ninyo… Ah hindi niya po ako naririnig dahil nasa dressing room po siya ngayon nagbibihis ng damit na binili nyo para sa kanya. Po? Ah si Christy yung sikat na make up artist? Umuwi na po siya sir…Ah hindi po…Hindi niya nakita….Ok sige po sir, ipahatid ko na lang siya diyan sa driver ninyo…Ok lang yun sir, sa laki ba naman ng

binayad ninyo. Hehe. Sige sir salamat din po."

Nakangiting pinatay ni Rachel ang tawag at pinuntahan si Blaze sa loob ng Dressing Room.

"Wow, talagang dinaig mo pa ang birthday ng kaibigan mo bakla. Mas lalong lumitaw ang kagandahan mo. Ay, bongga talaga ang damit na binili ni Sir."

"What?"

"I mean bongga talaga ang damit na binili ni Sir, yung may ari nitong boutique. Isa kasi yan sa mga collection niya. Bagay na bagay sayo bakla."

Aaminin kong kahit ako nagandahan na rin sa gown na suot ko. Isa itong kulay blue na all over sequin scoop fitted sheath gown. Ang magarbong iridescent na mga sequins at beads ay nagpadagdag ng sophisticated look ng damit. Ipinagmamalaki nito ang isang pabulusok na scoop neckline na may magagandang spaghetti nshoulder straps na humahantong sa lace-up na likod at perpektong sumusuporta sa bodice. Fitted type ito at elegante na binabaybay ang mga kurba ng dibdib, baywang, at balakang, at nagtatampok ng mainit na hati mula sa hita na nagpapatingkad sa palda habang ito ay nag-flute kapag naglalakad ang sinumang nagsusuot.

"Bakla, hubarin ko na lang kaya ito, masyado yatang maganda, baka wala pang nakasuot nito at magalit ang may-ari."

"Ay naku, hindi siya magagalit. Promise. For promotion ang damit na yan. Kaya go ka na. Ayan one minute na lang late ka na. Ipahatid na lang kita sa driver ni Sir, sayang naman ang beauty mo kung mag jeep ka lang."

Hindi na ako umangal pa sa suggestion ni Rachel. Agad na akong sumakay ng kotse at nagpahatid sa Marriott Hotel kung saan gaganapin ang Masquerade birthday party. May glittering mask na rin akong suot ngayon, pinahiram din ako ni Rachel. Half lang ng mukha ko ang natatakpan at blue rin ang kulay nito.

Ilang sandali pa ay nasa loob na ako ng hotel. Binaybay ko ang ally hanggang sa nakarating na ako sa isang malawak na function hall kung saan nagaganap ang birthday party ni Claire.

Nakita kong magkaiba pala ang male at female entrance nito. Pumasok ako sa female entrance.

Tinulak ko ang glass door at kitang-kita ko ang sobrang paghanga at inggit sa mga mata ng mga bisita habang nakatingin sila sa akin. Agad akong binigyan ng lalaki na nakaabang sa entrance ng isang maliit na papel. Ang sabi itago ko raw dahil kailangan ito mamaya. Ginawa ko na rin at dumiritso na kay Claire at nag beso-beso sa kanya. May dumaan na waiter na naghahatid ng mga wine at juice drinks, kaya kumuha rin ako ng isa para inumin.

"Happy Birthday bestie, bati ko sabay abot ng aking regalo na kanina ko lang din binili.

"Bestie, ang ganda mo ngayon, grave hindi kita nakilala. Nakakainggit ka talaga. Ang ganda ng makeover mo. Sino ba ang nag make-up sayo?" Nanggigil na tanong ni Claire.

"Si Rachel bakla. Dumaan ako sa boutique niya kanina, nakatulog ako pag gising ko ito na ang mukha ko. Hindi ko alam kung ano pumasok sa utak nun at nagawang pag praktisan ang mukha ko." Wala sa loob kong sabi.

"Talaga! Seryoso? Hindi ko alam magaling na pa lang mag make-up si Rachel Bakla, kasi sa naalala ko hindi niya kayang gawin ang ganyan ka pulido at high quality na make-up sa mukha mo."

"Hindi ko alam sa kanya. Basta pag gising ko, ito na ang hitsura ko."

"Daig mo pa ang celebrities sa ganda mo ngayon Blaze. Ikaw na talaga. Inagaw mo ang limelight ko, nakakainis ka." nagmamaktol na wika ni Claire.

"Ah, ganun? Parang gusto mo pa yatang magsisi dahil inimbita mo ako ah. Sabihin mo lang at uuwi na ako." Mataray kong sagot sa kanya.

"Ito naman masyadong highblood. Okay lang yan bestie, Kailangan mo yan ngayon para hindi ka na tuluyang mabaliw sa boyfriend mong baliw na yun."

Maya-maya pa'y narinig na namin ang boses ng MC na nagsasalita sa mikropono.

Magandang gabi sa inyong lahat, Ang gabing ito ay napakaganda dahil magkaroon tayo ng King and Queen for the night. Kung naalala nyo kanina bago kayo pumasok sa entrance may papel na binibigay sa inyo. Take note, hindi po namin pinipili ang binibigyan namin, lahat kayo may hawak na papel. So, ngayon, ang gagawin natin tatawagin ko ang numero. Kapag ikaw ang may hawak ng numero na yan pupunta ka sa gitna. Lahat ng numero ay may pares yan, kaya kung pareho kayo ng number kayo ang magka partner for the whole night hanggang sa matapos ang event. Lahat ng pares ay kailangang magbigay ng dance duo or Singing duo depende sa trip nyo basta mapasaya niyo lang ang birthday girl natin. Si birthday girl na ang pipili kung sino ang magiging King and Queen for the night.

Binalingan ko si Claire na pangiti-ngiti sa aking tabi habang umiinom ng juice.

"Hoy bruha, aminin mo sa akin, kagagawan nyo namang apat ito no? Ano, sino na naman ang pasimuno si Janice na naman ba o ikaw?"

"Oh, bakit naman ako nadamay diyan? Kakarating ko lang ano."

Sabat ni Janice ng marinig ang aming usapan.

"Ano ka ba Blaze, napa sobra na naman ang pagka overthinkers mo. Event coordinator ko ang may plano niyan kaya wag kang masyadong kabahan. Don’t worry, walang nakapasok na baliw dito sa loob kaya safe kang mag partner sa normal na lalaki."

"Kung hindi mo lang birthday ngayon, kanina pa talaga ako umuwi. Ang sarap mo talagang kutusin, babae ka."

Humagalpak lang ng tawa si Claire ng makitang nagpipigil ako sa inis ko sa kanya.

"Number 34, kanina ka pa hinihintay ng partner mo sa gitna." Announce ng MC

"Sino sa inyo ang number 34, pag wala ako na lang, ang gwapo ng magiging ka partner ni 34!" Sigaw ng isang bisita.

Na tauhan ako ng may sumigaw na 34. Tiningnan ko ulit ang maliit na pirasong papel na hawak ko. Akin nga ang numerong yon.

"Nandito MC si number 34!"

Agad kong tinakpan ang bunganga ni Myrtle nang marinig na sinisigaw niya ang aking numero habang tinuturo ang kinaroroonan ko. Wala kasi akong plano na sumali sa ka ek-ikan nila.

"There you have it, Miss 34. Mr. 34, would you mind taking Miss 34 to the center?

Agad namang naglakad ang lalaking ka partner ko papunta sa akin. Habang papalapit siya, pakiramdam ko familiar sa akin ang built ng katawan niya. Pakiramdam ko malakas pa sa tunog ng tambol ang pagkabog ng dibdib ko.

"Oh my gush, bestie ang ganda ng katawan niya. Pero I'm sure ang gwapo niya kahit may takip ang mukha. Malakas talaga ang pakiramdam ko bestie, kahit hubarin mo ang damit nya, alam kung 6 packs ang abs niyan." Parang hihimatayin na wika ni Myrtle.

"Hi. Can I dance with my lovely partner?" Tanong ng nakamaskara na lalaki, habang inilahad ang kamay sa akin.

Napaawang ang labi ko ng magsalita siya. "Bakit ka boses niya si Zed at Dr. Zane?"