Chapter 174 - Hate

“Davia—” Natigilan si Belinda nang buksan niya ang pinto ng kwarto, pati ang pagtawag niya sa anak ay hindi naituloy.

Sobrang handa na si Belinda na kausapin si Daviah tungkol kay Van. Handa na siyang kausapin ito at ipaintindi sa kanya ang lahat at sabihin sa kanya ang lahat, nasa isip na niya ang mga sasabihin niya, pero dahil sa nadatnan niya ay natigilan siya at lahat ng nasa isip niya ay biglang nawala.

Daviah was in bed, nakadapa at umiiyak. Mariing kinagat ni Belinda ang labi at dahan-dahang isinara ang pinto. Pati ang paglalakad niya papunta sa kama, sa tabi ng anak niya, ay sobrang dahan-dahan, takot na baka makagawa siya ng ingay.

“Ano 'yong palaging tinuturo ni Mommy?” Mahinahong tanong ni Belinda sa anak ilang minuto pagkatapos hayaan ni Belinda si Daviah na umiyak. Nanghihinang tinignan ni Daviah si Belinda, humihikbi pa ito habang nauupo. pagkaupo ay saka ito yumuko, ipinatong ang noo sa kanyang tuhod.

“D-Don't hate someone,” utal na sambit ni Daviah habang nakayuko