Chapter 12 - Masarap?

“Beli—”

Mabilis na binuksan ni Belinda ang pinto ng kotse ni Van at agad ding lumabas. Alam ni Belinda na tinutulungan lang siya ni Van, pero sa nakikita niya, mali ang paraan nito.

“Belinda!” Narinig ni Belinda ang tawag ni Van sa kanya, pero hindi na niya iyon pinansin.

Palagi niyang nireresolba ang problema gamit ang pera kahit na hindi naman dapat iyon ang gamitin niya.

Noong una, tungkol kay Kia na nagtaksil sa kanya at pinangakuan niya ng mga bagay kahit na ito na nga ang may ginawang masama sa kanya.

Kasunod noon ay tungkol sa pagbibigay niya ng malaking halaga kay Mr. Juarez para hindi na siya nito guluhin at maputol na ang ugnayan ni Belinda sa pamilya. Kasunod ay ang pagbibigay niya ng pera sa mga Reynaldo para tuluyang huwag manggulo sa kasal gayong hindi naman niya dapat gawin.

Palagi niyang dinadaan sa pera.

“Bakit ka nandito? Bakit hindi ka umuwi? Paano ang asawa mo?” Tuloy-tuloy na tanong ni Lia nang pumasok si Belinda sa apartment nila habang may mask na ang mukha.

“