Kabanata 53 : His Offer

"Sh*t!" Napamura ako sa gulat at muntik ko na rin mabitawan ang hawak kong kape nang makita ang isang pigura ng lalaki na prenteng nakaupo sa may dining area. Pinaningkitan ko s'ya ng mata at doon ko na kompirmang si Wayde ang lalaking ito.

Kanina pa ba s'ya nand'yan? Tsk. Magkakasakit talaga ako sa puso ng dahil sa kanya. Kung saan-saan na lang s'ya sumusulpot. May lahi ba s'yang kabute?

Muntik ko ng makalimutan na dito nga pala s'ya natulog kagabi. Hindi ba s'ya nakatulog ng maayos? Kasalanan n'ya dahil nagpumilit s'yang magsumiksik dito. Pwede n'ya namang bisitahin si Wynter kahit kelan n'ya gusto nang hindi kailangang natutulog dito tuwing gabi.

"K-Kape? Gusto mo ba ng kape?" tanong ko sa kanya.

"Yeah, sure."

"3-in-1 lang ang meron kami." Marahan s'yang tumango kaya naman kaagad ko s'yang tinalikuran para ipagtimpla s'ya ng kape.

Alas-quatro palang ng umaga. Hindi naman ako nagigising ng gan'tong oras pero dahil maaga akong nakatulog kagabi ay maaga rin akong nagising ngayo