Chapter 25

SHAINA

Nakatulog kaming dalawa ni Sir Jacob matapos namin na mag-sex. Hindi namin namalayan na nakatulog na nga kaming dalawa. Magkayakap kaming dalawa. Nagising ako na yakap-yakap pa rin namin ang isa't isa. Tulog pa siya nang magising ako. Alas kuwatro y medya na ng umaga. Kailangan ko na nitong bumangon para magtrabaho. Hindi puwedeng mamaya pa ako bumangon nito.

Upang hindi ko siya magising mula sa mahimbing niyang pagtulog ay dahan-dahan akong kumawala mula sa pagkakayakap niya sa akin. Maingat na inayos ko ang pagkakahiga niya sa kanyang malambot na kama nang makawala ako mula sa pagkakayakap niya. Humihilik pa nga siya, eh.

Pinagmamasdan ko ang guwapong mukha niya at inaala ang nangyari sa amin kagabi. Ibinigay ko na nga sa kanya ang hindi ko pa dapat ibibigay sa kanya. Nangyari na nga ang nais niyang mangyari na mag-sex kaming dalawa. Nakuha na niya ang aking pagkabirhen. Hindi na ako virgin ngayon. Ibinigay ko na 'yon sa kanya.

Wala naman akong sinisisi sa nangyayaring 'to.