Chapter 26

JACOB

Tahimik lang akong kumakain ng breakfast habang siya ay nasa harapan ko lang. Hindi rin siya nagsasalita. Tahimik rin lang siya at para bang walang nangyari sa amin kagabi. Gusto ko siyang tanungin kung okay lang ba siya kaso kasama namin si Manong Caloy baka kasi magtaka siya kapag 'yon ang marinig niya mula sa bibig ko. Mag-isip pa siya ng kung ano sa aming dalawa ni Shaina. Mayamaya ko na lang kakausapin si Shaina kapag wala na si Manong Caloy. Dapat kaming dalawa lang ang makarinig ng pag-usapan namin at wala nang iba pa.

Matapos akong kumain ay umalis muna ako doon sa dining room. Iniwan ko muna silang dalawa ni Manong Caloy doon. Bumalik muna ako sa kuwarto ko. May nakalimutan kasi akong dalhin sa opisina.

Tamang-tama nang bumalik ako doon sa dining room ay wala na si Manong Caloy. Si Shaina na lang ang nandoon. Kasalukuyan siyang nagliligpit ng mga pinggan doon para hugasan. Inililigpit na rin niya ang mga natirang pagkain doon para ilagay 'yon sa lalagyan. Hindi naman pu