Magdilang Mansion

Chapter 1

"Lily, I love you." Madamdaming sabi ni David na kanyang nobyo.

Nasa isang mamahaling restaurant sila. Ngayon ay ang kanilang ikatatlong-taon na anibersaryo.

As usual ay siya ang nanlibre dahil wala pang pera si David. Bread winner ito ng pamilya at may mga kapatid pa na pinapaaral. Habang nasa College sila ay nagtratrabaho na si David at napakadaming sideline nito.

Naiintindihan naman ito ni Lily. Kaka graduate lang nila.

Sinuwerte siyang makapag OJT sa pinakatanyag at sikat na hotel sa buong mundo.

At ito ay ang Christophe Five Star Hotels and Restaurants.

Si David ay kailangan pa ng pera upang maka board exam.

Nangako siya na susuportahan ang nobyo sa abot ng kanyang makakaya. Kaya pagbubutihin niya ang pagtratrabaho upang maging regular siya sa nasabing hotel.

"I love you too, David." Sagot ni Lily at nagsalo sila sa isang masarap at punong-puno ng pagmamahal na halik.

Matapos kumain ay nagyaya si David na pumunta sa kanilang bahay.

Hindi pa alam ni David kung paano siya tratuhin sa kanilang pamilya.

At ayaw niyang ipaalam ito dahil baka magalit si David at kung ano pa ang magawa nito.

Mahirap na baka maapektuhan pa ang trabaho ni David.

"Lily, I guess it's time na ipakilala mo ako sa iyong pamilya. Three years na tayong magnobyo pero hindi pa ako nakakadalaw sa inyong bahay." Nagtatampong sabi ni David.

Ang buong akala ni Lily na mahal talaga siya ni David!

Pero may iba pala itong motibo...

Gusto niyang makita ang mansion ng mga Magdilang!

Bago niya ligawan si Lily ay inalam muna niya ang estado ng pamilya nito. Ng malaman niya na mayaman ang pamilya ni Lily ay wala siyang sinayang na sandali!

Pinaibig niya ang dalaga at nahumaling naman ito sa kanya.

Napabuntunghininga si Lily. Siguro naman ay hindi magagalit ang kanyang Daddy dahil nasa tamang edad na naman siya para magkaroon ng nobyo.

"Okay, pumunta  na tayo sa bahay ngayon at ipapakilala na kita sa aking pamilya." Masayang sagot ni Lily.

Halos mapalundag naman si David sa labis na tuwa!

"Thank you, Mahal ko." Sabi ni David at niyakap si Lily.

Napaganti naman ng yakap si Lily. May pag-aalala parin sa kanyang puso. Hindi siya gusto ng kanyang madrasta na si Carina.

Ang kanyang ina ay isa paring katulong ng pamilya Magdilang.

Kinilala lang siya ng kanyang Daddy matapos na lumabas ang positive result ng kanilang DNA test.

Pinag-aral at pinakain pero tumutulong din siya sa mga gawaing bahay sa mansion.

Ayaw ng kanyang madrasta na si Carina na hindi siya magtrabaho dahil isa lang siyang anak ng katulong!

Tiniis niyang lahat ito para lang makapag aral ng maayos at ngayon nga ay naka graduate na siya.

Pangarap niyang umalis sa mansion ng mga Magdilang at mamuhay sila ng tahimik ng kanyang Mama na si Lucy.

Mas nagkaroon  siya ng inspirasyon ng makilala ang nobyo na si David.

Si David na nagpadama sa kanya ng tunay na pagmamahal.

Mahal na mahal niya ito at walang mahalaga sa kanyang buhay ngayon kundi ang kanyang Mama at si David lang!

*************************

MAGDILANG MANSION

Nag taxi sina Lily at David papunta sa kanilang mansion dahil walang sasakyan na maghahatid sa kanila.

Exclusive ang lupa kung nasaan ang kanilang mansion. Puro mayayaman ang nakatira rito at wala kang makikita na maliit na bahay sa nasabing lugar.

Puro mansion ng mga kilalang mga mayayaman lang ang andito.

At kanina pa namamangha si David habang pinagmamasdan ang mga mansion na nag-gagandahan at naglalakihan!

Nasasabik na siya na makita ang mansion nina Lily!

Habang si Lily naman ay hindi na mapakali. Papalapit na sila sa kanilang mansion at kinakabahan na siya sa magiging reaksiyon ng kanyang Daddy at Mama.

Mas lalo na ang reaksiyon ng kanyang madrasta at kapatid!

Sa wakas ay huminto na ang taxi na kanilang sinasakyan.

Nagbayad na si Lily at bumaba na sila.

Wala siyang sasakyan. Hindi katulad ni Colleen na napakaganda ng Ferrari nito.

Ayaw siya bigyan ng kanyang Daddy dahil hindi naman daw niya kailangan pero ang totoo ay ayaw ni Carina dahil anak lang siya sa labas.

Ayaw nito na pantay ang pagtingin ni Enrico sa kanyang mga mata dahil anak lang siya sa labas at si Colleen ang dapat na mas lamang dahil ito ang legal na anak.

Sapat ng pinakain silang mag-ina at pinag-aral sa mamahalin na paaralan at hanggang doon nalang daw yon!

Pero pinagtrabahuan nila ng kanyang Mama ang perang ginastos ng Daddy niya sa kanila!

Kahit gusto niyang makipagtalo tungkol dito ay wala rin siyang laban. Hinayaan nalang niya ang mga ito at hindi na nagreklamo pa.

"Wow! Ang ganda ng mansion ninyo Lily!" Masayang sigaw ni David na pumukaw sa kanyang lumilipad na isipan.

"Gano'n ba. Halika na David," paanyaya niya rito.

Nag doorbell si Lily sa malaking gate ng mga Magdilang at bumukas naman ito. Bumungad sa kanilang harapan ang kaibigan ng kanyang Mama na si Yaya Lorena.

"Lily, Andiyan kana pala. Sino itong kasama mo?" Masayang bati ni Yaya Lorena sa kanila.

"Ah, nobyo ko po." Nahihiyang sagot ni Lily. "David, Si Yaya Lorena." Pakilala niya.

"Magandang araw Yaya Lorena." Masayang bati ni David.

"Magandang araw din. Halikayo at tumuloy na sa loob ng mansion." Paanyaya ni Yaya Lorena.

"Sakto ang pagdating ninyo Lily at maghahapunan na." Nakangiting sabi nito.

Bago sila makapasok sa mansion ay dumaan muna sila sa napakalaking swimming pool at napakagandang garden na punong-puno ng iba't-ibang klase ng mga bulaklak.

Si David ay hindi maiwasan ang mapanganga.

Labas palang ng mansion ay napakaganda na! Ano nalang sa loob nito? Nasasabik na tanong ni David sa kanyang isipan.

Pakiramdam niya ay naka jackpot siya kay Lily!

Ito ang mag-aahon sa kanya sa kahirapan!

Ng makapasok na sila sa loob ng mansion ay mas lalong napa nganga ng literal si David!

Napakaganda sa loob ng mansion ng mga Magdilang. Marmol na hagdan at nag-gagandahang desinyo sa dingding.

May mga mamahaling painting pa ang mga ito!

Puro mamahalin ang mga kagamitan na kumikintab at kumikinang.

Nagniningning din ang mga mata ni David.

Ngayon lang siya nakapasok sa ganitong bahay.

Sa isang Mansion!

Mamahalin ang lahat at may mga mamahaling vase pa na tila galing sa sinaunang panahon.

Alam ni David na antique ang mga ito.

Kung makakakuha siya kahit isa lang ay tiyak na biglang yaman siya!

Nagniningning na ang kanyang mga mata ng dahil sa pera!

Unang nagtungo si Lily sa kusina upang ipakilala si David sa kanyang Mama.

Ito ang tagaluto ng mga Magdilang simula pa noong nabubuhay ang mga magulang nito.

Mabait si Donya Aurora at Don Paquito. Hindi katulad ni Andres na Daddy ni Lily na ambisyoso at gagawin ang lahat para lamang sa pera.

Una niyang nakilala ang Mama ni Lily at naakit siya sa taglay na kagandahan ni Lucy noong kabataan pa nila.

Nabuntis niya si Lucy at pinangakuan na papakasalan.

Pero nakilala niya si Carina.

Na umakit sa kanya.

At naakit naman si Andres dahil mayaman si Carina kahit hindi naman kagandahan.

Nakipaghiwalay siya kay Lucy pero buntis na ito ng mga panahong iyon kaya hindi pinaalis ng mga magulang ni Andres si Lucy.

Kahit galit si Carina na andiyan si Lucy ay wala siyang nagawa ng lumabas na ang DNA result nito.

And the rest was history...

"Mama!" Tawag ni Lily sa kanyang ina na naghahanda ng hapunan sa lamesa.

Tapos na magluto ang mga ito at naghahain nalang ng mga pagkain.

"Lily! Malapit ng kumain. Magbihis kana." Masayang sagot ni Lucy sa anak.

"Mamaya na Mama, May bisita ako at nais kung ipakilala sayo." Tanggi ni Lily.

Tsaka lang napatingin si Lucy kay David.

Habang si David ay nagulat naman ng makita ang Mama ni Lily.

Nagtataka siya kung bakit naka damit pangkatulong ito?!

Ang inaasahan niyang Mama ni Lily ay mukhang mayaman at mapera.

Ang nasa harapan niya ngayon ay walang arte sa katawan at mukhang  mahirap!

"Nagbibiro ka ba Lily?" Di-makapaniwalang tanong ni Lucy.

"Hindi po ako nagbibiro, Mama. Nobyo ko si David at matagal na kami. Panahon na para ipakilala ko siya sa loob ng tatlong taon naming reslasyon." Mahabang paliwanag ni Lily.

Napabuntunghininga nalang si Lucy. Hangad niya ang kaligayahan ng anak. Basta masaya lang ito ay okay na sa kanya.

"Kung saan ka masaya anak ay wala akong tutol," seryosong sagot ni Lucy.

"Salamat, Mama." Masayang sabi ni Lily.

Niyakap ni Lily ang ina at nagpasalamat.

"Magandang hapon po," bati ni David kahit hindi naman niya gusto.

Bumati lang siya dahil sa tanda ng pag respeto.

Tumango lang si Lucy at pinaupo sa lamesa sina Lily at David.

Maya-maya lang ay nagulat silang lahat ng makarinig ng boses sa kanilang likuran.

"Who is he?" Seryosong tanong ni Andres.

Hindi man lang namalayan ni Lily na nandiyan na ang kanyang Daddy!

Ano ang isasagot niya?!