Married to her disabled husband

Chapter 4

Walang nagawa si Lily kundi ang sumang-ayon sa gusto ng kanyang Daddy.

Hindi ito nagbibiro at napakaseryoso. Ayaw din naman niya na may mangyaring masama sa kanyang Mama dahil ito nalang ang natitira sa kanya.

Pero nagmakaawa siya sa kanyang Daddy na magtratrabaho at OJT parin sa hotel. Pumayag naman ito.

At dahil bukas pa naman siya magpapakasal sa estrangherong baldado ay papasok na muna siya sa hotel kahit namumugto pa ang kanyang mga mata sa kakaiyak kanina.

"Sigurado ka ba anak?" Nag-aalalang tanong ng kanyang Mama.

"Opo Mama, Sayang ang araw na ito at gusto ko ay maka perfect attendance. Maaga pa naman." Sagot ni Lily na pilit ngumiti kahit napakalungkot naman ng kanyang mga mata.

Walang nagawa ang kanyang Mama kundi pagmasdan si Lily na malungkot na naglalakad papunta sa labas ng mansion.

Napakaduwag mo Lucy! Sigaw niya sa kanyang isipan at hindi napigilan mapaiyak.

Alam niyang hindi okay ang kanyang anak!

************************

Her Wedding Day...

Sumapit ang araw ng kasal ni Lily at ng hindi niya nakikilalang lalaki.

Simple lang ang kasalan na naganap sa garden mismo ng mansion ng mga Magdilang.

Sumang-ayon si Andres na ganapin sa kanyang pamamahay ito dahil narin gusto niyang papirmahin ng kontrata si Christopher na bayad na siya sa kanyang pagkakaotang.

Talagang swerte lang si Christopher sa sugal ng mga oras na 'yon! Pero hindi magpapalamang si Andres pagdating sa mga legal actions.

Kung wala lang itong kapit na pinakamayaman sa bansa ay kayang-kaya niya itong ipatumba. Kaya lang ay malakas ang kapit ni Christopher at hindi pa alam ni Andres kung sino ang mayaman na ito.

At wala na siyang balak pa na malaman kung sino basta't ayaw na niyang makita ang pagmumukha nito pagkatapos ng kasal nila ni Lily!

Pinagmamasdan ni Andres ang anak na naglalakad papunta kay Christopher na hindi nila alam ang tunay na hitsura dahil sa kapal ng bigote nito at bangs na lagpas sa kanyang mata.

Medyo na guilty siya sa ginawa sa anak na si Lily but he has no choice! Seryoso si Christopher at baka mapahamak pa ang buo nilang pamilya.

Habang si Lily ay naiinis na sa kapatid niyang si Colleen na siyang bridesmaid niya.

Wala itong iba na ginawa kundi paringgan siya habang naglalakad sila sa aisle patungo sa kanyang mapapangasawa.

Simple lang ang kanyang gown na suot at hindi siya naka trahe de boda. Simple lang din ang kanyang make-up na bumagay sa nakalugay niyang buhok. Wala rin naman reklamo ang kanyang mapapangasawa kung ano ang isusuot niya dahil hindi naman sila nag-uusap at ngayong araw lang niya ito makikilala. Ang alam lang niya ay Christopher ang pangalan nito.

"Sissy, Ang gwapo naman ng mapapangasawa mo hahaha!" Hagikgik ni Colleen na nang-iinsulto pa talaga.

Papalapit na sila sa altar at wala na itong ginawa kundi ang pintasan ang kanyang mapapangasawa!

Ayaw niyang patulan si Colleen kaya napatingin nalang siya sa kanyang mapapangasawa na naghihintay sa kanya sa altar.

Hindi pumayag sina Carina at Colleen na ihatid siya ni Andres sa altar dahil dapat daw na mauna ihatid si Colleen dahil siya ang legal na anak.

Kaya, naglakad siyang mag-isa papunta sa altar na kasama ang kanyang mga abay.

Hindi niya makita ang tunay na mukha ni Christopher at wala rin naman siyang pakialam. Basta mailigtas lang niya ang pamilya sa kapahamakan.

Aaminin niya na gusto niyang itigil ang kasal at tumakbo papalayo.

Yong malayong-malayo!

Pero hindi pwede!

Nakarating siya sa harapan ng kanyang mapapangasawa na lutang at wala sa sarili.

At nagsimula ang seremonya ng kasal na tanging "I do" lang ang narinig ni Lily mula kay Christopher.

Creepy tingnan ang hitsura nito na may makapal na bigote at hindi pa niya makita ang mukha dahil natatakpan ng makapal na bangs!

Nangibabaw din ang malakas na tawa ni Colleen sa lahat.

Tawang-tawa ito sa sinapit ng kapatid at ngiting tagumpay pa!

"You may kiss the bride," sabi ng pari na pumukaw sa lumilipad na diwa ni Lily.

Napakurap-kurap siya ng kanyang mga mata dahil nagulat sa sinabi ng pari.

Mas lalo pa siyang nagulat ng sumigaw si Colleen.

"Kiss! Whoah!!!" Pumalakpak pa talaga! Tuwang-tuwa siya na nag-asawa na si Lily at mawawala na rin ito sa wakas sa kanilang pamamahay.

"Kiss!" Sumegunda naman si Carina na nakatawa pa talaga.

At hindi natutuwa si Lucy habang pinagmamasdan sila na nilalait ang anak!

Pero wala na naman siyang magawa. Nagsigawan ang mga tao sa kanilang paligid at pakiramdam ni Lily ay pinagkakaisahan siya ng kanyang pamilya!

Hindi niya alam kung bakit pinagpapawisan siya. Natatakot siya na baka halikan talaga siya ni Christopher!

Nabigla si Lily ng hawakan ni Christopher ang kanyang kamay at halikan ito. Dahil naka wheelchair si Christopher ay hindi siya mahahalikan nito kahit sa pisngi lang.

Pwera nalang na siya ang yumuko at halikan ito. But she will never do that!

Ngayon palang ay natatakot na siya sa lalaking ito! Hindi niya alam kung bakit nakuha nitong pagbantaan ang kanyang Daddy.

Baka isa siyang gangster o killer?! Nahintakutang sigaw ni Lily sa kanyang isipan at bigla niya nahila ang kanyang kamay na hawak parin ni Christopher.

At narinig niya na tumawa ito ng mahina!

He's playing with me. With us! Ano itong napasukan ko?! Wala sa sariling tanong ni Lily.

Wala na siyang magagawa dahil kasal na siya kay Christopher! Kailangan niyang magtiis na pakisamahan ito alang-alang sa kanyang pamilya.

Pero...

Hanggang kailan ang kaya niyang tiisin? Ngayon palang ay nanginginig na siya sa takot at nagdidilim na ang kanyang paningin!

Tuluyan na nga siyang hinimatay at buti nalang nasalo siya ni Christopher.

"What a wedding scene! I love it!" Pumalakpak pa talaga si Colleen habang tumatawa.

Para sa kanya ay nakakatawa ang kasal ni Lily.

At hindi natutuwa si Lucy!

"Baka mapasukan ng langaw ang bunganga mo Colleen," sabi ni Lucy bago saklolohan ang kawawang anak na nahimatay.

Natigil naman sa pagtawa si Colleen at napatingin ng masama kay Lucy.

Walang pakialam si Lucy sa kanya at tumakbo na papalapit kay Lily na hawak parin ni Christopher sa kanyang kandungan.

"I hate her Mom!" Galit na sigaw ni Colleen kahit madaming tao.

"Calm down my daughter. We will make her life a living hell in here." Bulong ni Carina sa anak habang inaakbayan ito.

Napabuntunghininga nalang si Colleen sa labis na galit.

Habang si Lily ay wala paring malay na binabantayan ni Lucy sa kwarto nito.

Sinamantala naman ni Andres ang pagkakataon at pinapirma na si Christopher na bayad na ang kanyang utang sa Casino!

"You can bring my daughter to your home Mr. Villezo as she is your wife now." Masayang sabi ni Andres na para bang isang bagay lang si Lily na ibinibigay nito.

"Are you sure Mr. Magdilang?" Nakangising tanong ni Christopher.

"Andres!" Nagimbal na sigaw ni Lucy ng marinig ang sinabi ni Andres.

"What are you doing in here?" Seryosong tanong ni Andres.

"Bakit ibibigay mo si Lily sa kanya? Hindi ba pwedeng dito muna si Lily ng mga ilang araw muna?" Nasasaktan na tanong ni Lucy.

"You better talk about it. I'm willing to wait anytime," singit ni Christopher at pinaandar na ang kanyang wheelchair.

Ngunit bago pa siya makalayo ay tinawag siya ni Andres.

"No! You should bring your wife Christopher. Mag-asawa na kayo ni Lily." Giit ni Andres.

"Andres!" Hindi makapaniwala si Lucy na magagawa ito ni Andres sa sarili niyang anak!

"Umalis kana Lucy kung wala kang iba na sasabihin. Tingnan mo si Lily kung nagising na ba." Matigas na utos ni Andres.

Kapag siya na ang nagpasya ay walang magagawa ang lahat.

Mas lalo na siya na isang lang katulong! Kahit si Carina ay hindi mababago ang desisyon ni Andres kapag ito na ang nagsabi.

Wala na naman siyang magawa para sa anak!

Nagpupuyos ang kalooban ni Lucy na bumalik sa kwarto ni Lily.

Mapapalayo na sa kanya ang anak! Hindi na niya ito mababantayan. Nag-aalala siya para rito pero wala parin siyang magawa!

Pagpasok niya ng kwarto ni Lily ay nagising na ito.

"Mama?" Naalimpungatan na tanong ni Lily.

"Anak, kailangan mo na mag-impake." Malungkot na sagot ni Lucy.

Bigla naman napabangon si Lily at pakiramdam niya ay nakatulog siya ng mahimbing.

"Mag-impake? Bakit?" Sunod-sunod niyang tanong na nagtataka.

Malungkot na napabuntunghininga si Lucy.

"Doon kana titira sa iyong asawa," malungkot na sagot ni Lucy.

"Asawa?" Tanong ni Lily sa kanyang isipan.

Saglit siyang nakalimot na ikinasal pala siya ngayong araw!

Mabilis na gumana ang natutulog niyang utak at nahiya siya sa sarili ng maalala na hinimatay talaga siya, Sa araw pa mismo ng kanyang kasal!

Nakakahiya! Di-napigilan ni Lily ang mapasigaw.

"Wala na tayong magagawa Mama. Nakapag-impake kana ba?" Tanong niya.

Kung aalis man siya at doon na titira sa kanyang asawa ay gusto niyang isama ang kanyang Mama.

"H-hindi ako makakasama sayo anak," mahinang sagot ni Lucy.

Alam niya na hindi siya makakasama dahil walang sinabi si Andres na samahan niya ang anak sa pagtira nito sa kanyang asawa!

"Ano? Hindi pwede yan. Kakausapin ko si Christopher at si Daddy. Nasaan ba yong asawa ko Mama, Nakita mo ba?" Tanong ni Lily.

"Nasa study room pa sila ng Daddy mo, " sagot ni Lucy.

Walang sinayang na sandali si Lily at mabilis na nagtungo sa study room ng kanyang Daddy kahit nahihilo pa siya.

Hindi siya makakapayag na hindi makasama ang kanyang Mama!