Naked Truth

Chapter 3

Nanginginig na siya sa galit pero naiiyak narin siya!

Mahal na mahal niya si David. Dito lang umiikot ang kanyang mundo.

Pero nagtaksil ito sa kanya!

"Bakit David?" Naiiyak na tanong ni Lily.

Bumangon si David ng bahagya at hinanap ang kanyang saplot.

Ngunit nagising si Colleen at bumangon din ito.

Nakalantad sa kanyang harapan ang dalawa na hubo't hubad!

At hindi na niya napigilan ang sarili na sampalin si David.

"Bakit David? Bakit mo nagawa sa akin ito?!" Ngayon ay hindi na niya mapigilan ang mapaluha.

Itinulak siyang bigla ni Colleen at muntik na siyang matumba!

"Don't hurt my man. Ako ang makakalaban mo!" Galit na sigaw ni Colleen.

Napangiti naman ng lihim si David. Wala siyang pakialam kay Lily. 

Dahil nagkamali siya sa pagpili rito. Akala niya mayaman, Hindi pala!

Ang totoong mayaman ay si Colleen at natutuwa siya na napaibig niya kaagad ito!

Jackpot parin siya kahit nabigo kay Lily!

Ngayon ay gagalingan niya ang kanyang akting upang mas lalo pa itong mapaibig sa kanya!

"Your man? Kailan pa naging sayo ang boyfriend ko?!" Galit na tanong ni Lily.

"Kailan? Bulag ka ba?! Hindi mo ba nakikita ang ayos namin?" Ibinaba ni Colleen ang kumot na tumatakip sa kanyang dibdib.

Upang ipamukha kay Lily na sa kanya na si David!

Napaatras naman si Lily at napagtanto na nakalimutan niyang nagtaksil pala si David sa kanya at hindi na niya ito pagmamay-ari!

Pero hindi siya makakapayag na gano'n nalang. Nagtiwala siya kay Colleen tapos inahas lang nito si David.

"Wala akong kasalanan sayo Colleen. Kinuha muna at inangkin ang lahat sa akin. Pati ba naman si David?" Nanginginig na siya sa galit at hindi niya na mapigilan ang kanyang sarili!

"Bakit hindi? You don't deserve him! Ang pangit mo Lily. Si David ay bagay sa akin!" Hindi talaga magpapatalo si Colleen kahit kailan!

Biglang kumilos ang mga kamay ni Lily at hinablot ang buhok ni Colleen.

Hinila niya ito, To the point na gusto niyang bunutin ang lahat ng buhok ni Coollen.

Hindi nagpatalo si Colleen at sinambunutan din si Lily. Kahit n*******d siya ay wala siyang pakialam dahil hindi siya magpapatalo!

Sinamantala naman ni David ang pagkakataon upang magbihis. Bumangon siya mula sa kama at muling isinuot ang mga saplot na nagkalat sa sahig.

Pagkatapos ay inawat niya ang dalawang magkapatid na nag-aagawan sa kanya.

"Tama na Lily!" Malakas na itinulak ni David Si Lily at nabitawan nito ang buhok ni Colleen.

Nagsisimula na ang kanyang akting na syempre ay pabor para kay Colleen.

"Thank you, Babe." Na touch naman si Colleen dahil sa ginawang pagtatanggol ni David at niyakap ito.

Mas lalong nag-init ang ulo ni Lily sa galit ng makita ang ayos ng dalawa. Walang pakialam si Colleen kung hubo't hubad siya!

"Mga walanghiya!" Galit na sigaw ni Lily.

Muli sanang sasambunutan ni Lily si Colleen ngunit napatigil siya ng marinig ang boses ni Carina.

"What is happening in here?" Tanong nito kahit alam niya na ang dahilan.

Galit na napalingon si Lily sa kanyang madrasta na kalmado parin kahit nakita ang anak na n*******d katabi ang kanyang boyfriend!

"They cheated on me! Inahas ng anak mo ang boyfriend ko!" Galit na sagot ni Lily.

Nagulat din siya sa kanyang sarili. Unang beses niyang sumagot ng ganito sa madrasta!

Dati kahit galit na galit na siya ay hindi siya nagtataas ng boses.

Pero ngayon ay parang nasagad na ang kanyang pasensya.

"Zip that filthy mouth of yours Lily! Kailan pa inahas ni Colleen ang boyfriend mo? Kanino bang kwarto ito?" Nakangising tanong ni Carina.

Hindi alam ni Lily kung bakit ganito ang sagot ni Carina sa kanya. Wala naman siyang pakialam kung kay Colleen ang kwarto na ito!

Ang alam lang niya ay nagtiwala siya ng unang beses sa kanyang kapatid pero niloko lang siya nito at inahas pa ang boyfriend niya!

"Wala akong pakialam!" Walang gana na sagot ni Lily.

Lumapit si Carina sa kanya at hinawakan ang kanyang bunganga na halos pilipitin na nito.

Nasasaktan si Lily pero hindi siya makapagsalita.

"Yong boyfriend mo ang nang ahas kay Colleen Lily! Bakit? Dahil ang pangit mo! Kasalanan ba ni Colleen kung naakit si David sa kagandahan niya! Ang boyfriend mo ang may kasalanan!" Sabi ni Carina na inilapit pa talaga ang bunganga niya sa mukha ni Lily ng magsalita.

Hindi akalain ni Lily na kukunsintihin ni Carina ang masamang gawain ng anak! 

Nagpumiglas si Lily ngunit hindi siya makawala.

"At hindi mangyayari na magiging kayo ni David Lily kahit sa panaginip mo lang!" Nakatawang sabi ni Carina at binitiwan na ang kanyang bunganga.

Nagtaka naman si Lily sa sinabi ni Carina na tila ba may nais na ipahiwatig at masama ang kutob niya tungkol dito!

"Ano'ng ibig niyong sabihin?" Di nakatiis na tanong ni Lily.

"Bukas na bukas din ay ipapakasal kana sa isang baldadong lalaki! Hahaha!" Nakatawang sagot ni Carina na parang baliw lang.

Nangunot naman ang noo ni Lily. Si Colleen ay masayang-masaya sa narinig habang isinusuot ang kanyang mga saplot.

Nagbihis na siya dahil baka biglang pumasok ang kanyang Daddy. 

Wala siyang problema sa kanyang Mommy dahil okay lang kahit ano ang gawin niya. Sobrang spoiled siya nito.

Ang kanyang Daddy ay makalumang Pilipino parin. Baka magulat ito kapag nakita siyang hubo't hubad.

"You're crazy, Tita!" Sigaw ni Lily. 

Bakit naman siya magpapakasal sa isang baldadong lalaki?!

"Don't worry Lily. Baldado ito pero may kaya naman! Hindi ka parin maghihirap. Yon nga lang ay hindi masyadong mayaman." Dagdag ni Carina na nakatawa parin.

"David? Can we talk?" Hindi pinansin ni Lily si Carina.

Kung anu-ano nalang ang pinagsasabi nito upang ipagtanggol ang anak. Gusto niyang ayusin ang sa kanila ni David. Hindi niya kaya na mawala ito!

"Hindi pwede!" Singit ni Colleen at hinawakan ng mahigpit ang mga braso ni David.

Naiiyak na naman si Lily. Pero pinigilan niya. Ang saya-saya pa nila ni David kahapon. 

Sana hindi nalang niya ito dinala sa mansion!

Nangyari na ang lahat at wala na siyang magagawa pa. 

Pero handa niyang tanggapin muli si David dahil mahal na mahal niya ito at ayaw niya masayang ang kanilang pinagsamahan.

"David please," muling pakiusap ni Lily.

Nakatingin lang sa kanya ang kontrabidang mag-ina.

Si David naman ay animo isang makisig na prinsipe na pinag-aagawan. 

Feel na feel pa niya ito!

Pero syempre, Si Colleen ang pipiliin niya.

Doon siya sa sigurado na ang future niya!

"Stop it Lily. Let's accept na hanggang dito nalang ang ating relasyon. Na realize ko na hindi pala kita mahal. Si Colleen ang mahal ko at isa pa, Ikakasal kana. Let's call it over." Mahabang sagot ni David.

Abot hanggang teynga ang ngiti ni Colleen habang si Lily ay tila nagunaw ang buong mundo.

Bakit nangyari sa kanya ito?! 

Malungkot niyang tanong sa kanyang isipan. 

"Baka pwede pa natin ayusin David! Please," pakiusap ni Lily.

"Sinabi ko na ang nais kong sabihin Lily. I'm sorry," sagot ni David.

"David!" Muling pakiusap ni Lily.

"Get away! Bakit hindi ka makaintindi!" Itinulak siya ni Colleen.

Lalapit sana siyang muli kay David ng marinig ang boses ng kanyang Mama.

"Tigilan mo na yan, Lily." Sabi nito.

"Mama," umiiyak na sagot ni Lily.

"Ipinapatawag ka ng Daddy mo. Hayaan mo na yang taksil mong nobyo. Alam mo naman na madaming nanunulot sa panahon ngayon." Mahabang sabi ni Lucy habang nakatingin kay Carina.

Hindi rin naman magpapatalo si Carina. Siya ang legal wife! At ilang taon na niyang ipinaglalaban ito. 

Ngunit andito parin si Lucy sa Magdilang Mansion at ayaw mawala!

"Colleen ang daming pangit na mahirap ngayon na kung makaasta akala mo legal wife!" Sigaw ni Carina.

"Halika na Lily," hindi na siya pinansin ni Lucy. 

Mas concern siya sa anak niya. Nalulungkot siya para rito pero wala parin siyang magawa!

Ng makapagsolo na silang dalawa ay umiyak si Lily sa balikat ng ina.

"Mama!" Umiiyak na hiyaw ni Lily.

Niyakap siya ni Lucy at hinagod ang kanyang likuran.

"Iiyak mo lang anak," sagot ni Lucy.

Ng matapos umiyak ni Lily ay pinuntahan niya na ang kanyang Daddy na naghihintay sa kanya sa study room nito.

Hindi na siya kumatok dahil bukas naman ang pintuan.

Seryoso ang mukha ng kanyang Daddy ng makapasok na siya sa loob. 

Ang buong akala niya na alam na nito ang nangyari sa kanila ni Colleen.

Pero nagulat siya sa sinabi ng kanyang Daddy!

"Tomorrow, You will get married to Mr. Villezo." Seryosong sabi ni Andres.

Biglang nagdilim ang paningin ni Lily at muntik na siyang matumba sa kanyang kinatatayuan. 

Pero pinilit niyang magpakatatag sa harapan ng ama.

Tama nga ang sinabi ng kanyang madrasta! Ngunit sa isang baldado na lalaki talaga?! Tanong ni Lily sa kanyang isipan.

Sa ngayon ay walang ibang lalaki ang laman ng puso ni Lily kundi si David lang kahit nagtaksil pa ito sa kanya. Andiyan pa ang sakit at hindi pwedeng magpakasal nalang siya sa hindi niya kilala at sa isang baldado pa!

Kung noon ay sunod-sunuran siya sa nais ng ama. Ngayon ay hindi na! Kailangan niyang manindigan.

Buhay niya ito at siya ang magpapasya!

"No, Hindi ako magpapakasal sa taong hindi ko kilala at hindi ko pa nakikita. Kailigayahan ko ang nakasalalay dito." Mariing tanggi ni Lily.

Napabuntunghininga naman ng malalim ang kanyang Daddy.

Inilapag nito ang eyeglasses sa table at hinagod ang noo. 

Hindi niya akalain na matatalo siya sa casino! 

At ang gustong kabayaran ng kanyang kalaro na si Mr. Villezo ay ang kanyang anak. 

Hindi niya maibibigay si Colleen! Mahal niya ang bunso at ito ang legal niyang anak. Hindi niya ito ipapakasal sa kung sino lang at hindi pa niya kilala at sa isang baldado pa!

Ang alam lang niya ay madami itong mga kilalang maykaya at koneksiyon. 

Kaya mahirap din banggain at kalabanin dahil may malakas na kapit at hindi alam ni Andres kung sino. 

Kaya pwede na ito kay Lily. Kahit baldado ang lalaki ay may kaya naman kahit hindi sobrang yaman. Mamumuhay parin ng masagana si Lily at magiging maayos parin ang buhay nito. 

Kung hindi siya tutupad sa napagkasunduan ay buhay ng pamilya niya ang kapalit!

Hindi lang niya alam kung bakit gusto nitong makasal sa anak niya gayong pwede naman siya magbayad ng pera para yumaman ito. 

Kaya wala na siyang choice kundi ibigay si Lily...

"You will marry him Lily or all of us will die including your mother." Seryosong sabi ni Andres na ikinagulat ni Lily.

Napatingin siya mga mata nito. Seryoso ang mga pinagsasabi ng kanyang Daddy!

Paano pa siya makakatanggi?!