Chapter 2

Chapter 2

Habang naglalakad sila pauwi ay kain ng kain si Bella ng kikiam habang si Vin naman ay tahimik pa din. Napansin naman eto ni Bella dahil madalas ay kinukulit sya neto o di kaya ay nagdadaldal eto habang pauwi sila.

"May problema ba?" hindi na napigil na itanong ni Bella kay Vin.

Napatingin naman si Vin kay Bella. "Ha? Bakit?" sagot niya kay Bella.

"Pansin ko kasi kanina ka pa tahimik eh. Nakakapanibago kasi madalas nangungulit ka"

"Ah. W-wala naman. Gusto ko lang ng tahimik"

"May sakit ka ba? Masama ba pakiramdam mo?" sabay salat sa noo ni Vin.

"Wala nga eto. Ikaw talaga. Okay lang ako okay. Trip ko lang na tumahimik ngaun" sabay ngiti kay Bella.

"O sige sabi mo eh kung may problema ka pwede mo ishare sa akin pero kung pera ang problema mo ay wala ako nyan. Hahaha"

"Hahaha. Oo na. Sige na. Kumain ka na nga lang dyan. Ang dungis mo pa din kumain eh parang hindi ka dalaga eh."

" Yayks... Dalaginding pa lang ako noh... Hahaha"

"Sige na pumasok ka na sa inyo. Dito na ako."

"Tatambay ba tayo mamaya?"

"Hindi muna siguro. Sige na. Bye" sabay talikod at kaway ni Vin sa kaibigan.

Nagtataka naman na nakatingin si Bella sa papalayong si Vin. Hindi talaga sya sanay sa ikinikilos neto ngayon. Sanay kasi sya na tumatambay sila tuwing pagabi na sa labas ng kanilang bahay minsan pa nga ay nakikipaglaro pa sila sa mga bata sa kalsada.

Pagkapasok naman ni Vin sa loob ng kanilang bahay ay napabuntong hininga na lamang siya at walang ganang kumilos. Nakita naman nya ang kanyang lola at ang kanyang bunsong kapatid na si Vanessa na nasa kusina at nagmemeryenda. Napansin naman sya kaagad ng kanyang lola.

"Oh iho andyan ka na pala. Halika dito at magmeryenda ka muna. Gumawa ako ng turon." Saad ng kanyang lola.

Agad naman na lumapit si Vin sa kanyang lola "Mano po lola" sabay mano sa kanyang lola.

"Hi kuya! Ang sarap ng turon na gawa ni lola oh" ngiting sabi ni Vanessa sa kanyang kuya.

Si Vanessa ay bunsong kapatid ni Vin siya ay siyam na taong gulang pa lang. May isa pa siyang kapatid na babe si Viela eto naman ang sumunod sa kanya twelve years old naman eto. Si Vin naman ay sixteen years old na. Silang tatlo na na magkakapatid ang magkakasama na nakatira sa kanilang lola. Lola nila eto sa mother side nya. Ang kanila namang kuya na si Vince ay twenty two years old na at nasa kanilang magulang na eto nakatira. Hinahasa na kasi eto sa paghawal ng kanilang negosyo.

Ang pamilya ng kanyang ina na si Valerie ay hindi mayaman parang kagaya lang sa pamilya nila Bella nasa tamang antas lang ng pamumuhay.

Habang ang kanila namang ama na si Leonard De Villa ay nagmula sa mayamang angkan.

Marami ng negosyo ang kanilang mga magulang. Hindi muna sila pinapakita o pinapakilala na magkakapatid para maging ligtas sila sa mga kakumpitensya sa negosyo ng kanilang pamilya. Kaya sila ay sa lola muna nila nakatira at kapag nasa hustong gulang na sila ay saka sila ipapakilala katulad ng kuya Vince nila.

"Talaga!? Lahat naman ng luto ni lola masarap eh" sagot naman ni Vin sa kapatid nya sabay halik sa pisngi ni Vanessa.

"Korak. Hahaha. Oh eto kuya kumain ka na bago ko pa eto maubos." Humahagikhik na sagot ni Vanessa sabay abot ng turon kay Vin.

"Mmm... Masarap nga!"

" Hay naku. Binobola nyo na naman ako na magkapatid kayo" sagot naman ng lola nya. " Ano bang gusto nyong ulam sa hapunan ha?" pagpapatuloy pa neto.

Bigla naman bumukas ang pinto nila at iniluwa non si Viela na hapong hapo na parang galing sa pagtakbo.

Sabay - sabay naman silang tatlo na napatingin dito.

"San ka na naman galing na bata ka? At hingal na hingal ka pa." Tanong ng lola nila kay Viela.

Agad naman etong lumapit sa kanila. "Mano po lola." Sabay mano sa matanda "Galing po ako sa school lola tapos pagkatapos po ng klase naglaro lang po kami ng mga kaklase ko" pagpapatuloy pa nya.

"Nauna pa akong maka uwi sayo eh" sabat naman ni Vin habang kumakain ng turon.

"Hi kuya Vin! Hi Vanessa!" Sabay halik sa pisngi ng mga kapatid. "Wow! Turon! Mukhang masarap ah" sabay dila sa kanyang labi na para bang takam na takam.

"Masarap talaga ate. Syempre si lola ang nagluto nyan eh." sagot naman ni Vanessa.

"Oh sige na magmeryenda na muna kayo dyan. Ikukuha ko lang muna kayo ng juice" sagot naman ng lola nila.

"Thank you po lola" sabay - sabay nilang sagot na magkakapatid.

Silang magkakapatid ay magkakaiba ng ugali. Ang kanilang panganay na si Vince ay may pagkamasungit habang si Vin naman ay mabait at palakaibigan. Si Viela naman ang pinakamakulit at may pagka pasaway sa kanila pero pag nakita nya na galit na ang kanyang kuya Vin ay tumitigil na eto sa pagpapasaway. Habang si Vanessa naman ang pinakamalambing sa kanilang apat.

VIN POV

Nang mapag isa na naman si Vin ay naalala na naman nya ang sinabi ng kanyang ina ng bumisita ito sa kanila.

"Vin, anak, malapit ka na palang mag college. Handa ka na ba na mag- aral sa ibang bansa?" Saad ni Valerie kay Vin.

"Ma hindi po ba pwede na dito na lang ako mag- aral sa Pilipinas? Parang mas gusto ko po kasi na dito na lang mag- aral kesa sa ibang bansa" sagot ni Vin sa kanyang ina.

"Anak diba napag usapan na natin yan. Yan din ang gusto ng Papa nyo. Sa ibang bansa kayo mag- aaral kapag college na kayo. Diba sinabi ko na yan sayo pagtuntong mo pa lang ng high school." saad ni Valerie sa kanyang anak.

"Opo Ma. P- pero kasi po-" hindi na nya naituloy pa ang kanyang sasabihin ng magsalita ulet ang kanyang ina.

"Naiintindihan naman kita anak. Syempre nasanay ka na dito. Mahirap na para sayo na malayo ka sa mga kaibigan mo at sa mga kapatid mo pero para din naman eto sayo. Dahil pag nasa tamang edad ka na ay hahawakan mo na din ang isa sa mga negosyo natin. Saka babalik ka pa naman ng Pilipinas pagkatapos mong mag aral don sa ibang bansa." Mahabang paliwanag sa kanya ng kanyang ina.

"Opo Ma. Naiintindihan ko po" malungkot niya sa kanyang ina.

Hinawakan naman ng kanyang ina ang kanyang pisngi at ngumiti "Kaya mag- enjoy ka na muna habang nandito ka. Mag enjoy ka kasama ng mga kaibigan mo ha. Isang taon pa naman bago ka mag college" ngiting sabi ng kanyang ina.

"Yes ma" sagot niya sabay ngiti din sa kanyang ina.

Linggo linggo ay binibisita sila ng kanilang ina sa probinsya kung hindi man ito makabisita malamang ay busy ito sa kanilang negosyo kaya tinatawagan na lamang sila neto. Minsan naman ay kasama neto ang kanilang ama. Minsan lamang iyon makasama dahil busy sa kanilang negosyo minsan isa o dalawang beses lang ito makadalaw sa isang buwan. Pero hindi naman nagkukulang ang kanilang mga magulang sa kanilang mga pangangailangan.

Napabuntong hininga na lang si Vin ng maalala niya ang pag uusap nila ng kanyang ina.

"Siguro mag enjoy na lang muna ako habang nandito ako. Matagal tagal pa naman yon isang taon pa naman" saad niya sa kanyang sarili.