Kabanata 98

Nahinto ang pagsasalita ni Tonyo, dahil sa sigaw ni Mitch, na nagmamatigas pa rin at ayaw na pumasok sa police car.

Kami man ay nagulat din sa narinig. Bakit si Tonyo ang sinisisi niya. Nabaliw na ba talaga siya, at lahat na lang ay sinisisi niya sa mga maling ginawa niya?

“Bakit kasalanan ko?” tanong ni Tonyo. Turo niya pa ang sarili, at nanlaki ang mga mata. “Kararating ko nga lang, tapos ako ang pagbibintangan mo sa kasalanang pinaggagawa mo? Wala ka rin sa ayos, Mitch! Ano na baliw ka na talaga?”

Nagpalipat-lipat ang tingin namin kay Tonyo at Mitch, pareho pa kaming napanganga at kunot ang mga noo.

“Ikaw ang wala sa ayos! Kung hindi mo ako binuntis—”

“Huh? Anong binuntis?” Pahapyaw na tawa ang nagawa ni Tonyo. “Paano kita mabuntis? Baliw ka na nga talaga?” Nakamot ni Tonyo ang batok.

“Tonyo?” sabay naming sambit sa pangalan nito. Hindi ko maiwasan ang magduda. Pati ako si Tonyo ay nagawa akong iputan noon?

“Papaniwala kayo sa baliw na ‘yan!” Duro niya si Mitch.

“Sabi na