Kabanata 6

“Magkano ang ibinayad ni Liana sa inyo? Dodoblihin ko!” sigaw ni Gwyneth.

“Hoy babae! Hindi ako naghahanap ng extrang pera ngayon. Gusto ko lang na magpakasarap!” galit na sinabi ng lalake na dilaw ang buhok.

Hinatak niya ang damit niya, bumukas ang kanyang kuwelyo at inabot ito ng lalake.

Makikita ang takot sa mukha ni Gwyneth, at naging desperado siya. Halos mabuksan na ang pants niya ng mabilis siyang nakakuha ng bote ng wine at binasag ito sa ulo ng lalake.

Tinamaan siya sa ulo, at nanigas ang lima pang mga lalake bago siya pinagsususuntok. “Patay ka ngayon!”

Bumaluktot si Gwyneth sa sahig, puro pasa siya.

Nagising ang kagustuhan niyang mabuhay at pinilit ang sarili na tumayo. Hinawakan niya ang bote ng wine sa paa niya at iwinasiwas ito sa anim na lalake, na umiwas at umatras.

Ginamit ni Gwyneth ang pagkakataon at tumakbo. Hindi naglakas loob ang mga lalake na sundan siya. Bumalik siya sa private room ni Asher, sinusuri ang paligid hanggang sa makita si Liana sa sulok bago siya pinuntahan.

Nakita ni Liana ang puro pasang mukha ni Gwyneth at mga patak ng luha sa damit. Nanlaki ang mga mata niya sa taranta ng may tumama sa kanya. Sumigaw siya, “Asher!”

Inatake na siya ni Gwyneth. Masamang tumingin si Gwyneth kay Liana at sinipa siya ng malakas sa tiyan.

Bumaluktot si Liana sa sahig, desperadong tinatawag si Asher para iligtas siya.

Tinamaan na naman ng isa pang brutal na sipa si Liana sa tiyn. “Sinabi ko sa iyo na kapag ginalaw mo ako, sisipain kita hanggang sa mawala ang baby, hindi ba?”

“H-Hindi ko alam ang ibig mo sabihin,” nautal si Liana. Nakaramdam siya ng takot at napabilog na parang bola. Nalukot ang mukha niya sa sakit habang hawak ang kanyang tiyan.

Nawala ang ingay ng malipat ang atensyon sa kanila.

Nagmadaling lumapit si Asher, itinayo niya si Liana at tumayo sa harap niya. Dahil sa galit, sinipa niya ng malakas si Gwyneth sa sikmura. “Anong problema mo? Buntis siya, at sinipa mo siya? Gwyneth, ang sama mo!”

Bumagsak sa sahig si Gwyneth. Kakapaabort lang niya, at namutla siya ng maramdaman ang sakit sa buong katawan niya. Tumingala siya sa kanya. “Sa tingin mo masama ako? Bakit hindi mo muna itanong kung anong ginawa niya sa akin?”

Dahil guilty siya, yumuko si Liana at naghanap ng palusot.

Bigla, maririnig ang istriktong boses ni Asher, “Tama na! Hindi ko na kailangan magtanong! Gagawin mo ang kahit na ano, kahit pati ang pagbenta sa sarili mo para makuha ang deal! May bagay ka ba na hindi gagawin?”

Tinamaan si Gwyneth sa mga salita niya na parang suntok sa sikmura. Seryoso ba siya sa sinabi niya na gagawin niya ang lahat pati ibenta ang sarili para sa deal?

Alam niya mismo kung anong mga pinagdaanan niya—kung paano siya halos gamitan ng droga para pagsamantalahan ng isang bigating tao habang ikinukuha siya ng mga kliyente.

Sakto ang dating ni Asher. Dahil napahiya, nagwala ang bigating tao. Inakusahan siya na ibinebenta ang sarili para lang makakuha ng deal, pero nakielam si Asher at ipinagtanggol si Gwyneth.

Pero ngayon, binaliktad niya ang mga akusasyon sa kanya.

Bago pa makapagsalita si Gwyneth, binuhat ni Asher si Liana at dinala sa ospital. Nagalisan ang mga tao, kung saan naiwan mag-isa si Gwyneth sa private room.

Tinignan niya ang sarili niya sa salamin—punit ang damit niya, sira ang makeup, may mga pasa sa mukha at kamay, at magulo din ang buhok.

Kung nag-abala si Asher na tignan siya ng mabuti, mapapansin sana niya na muntik na siyang pagsamantalahan. Pero ang bawat parte niya ay nakafocus kay Liana.

Natagalan, pero nagawa sawakas ni Gwyneth na tumayo, handa na siyang umuwi. Hindi pa siya nakakalakad ng ilang hakbang ng tumulo ang dugo mula sa pagitan ng mga hita niya.

…

Dalawang magkasunod na araw wala si Asher. Umuwi lang siya sawakas sa araw na pupunta sila abroad Mukhang maputla si Liana at matindi ang lagay, pero batid na makeup lang ito kung titignan siya ng mabuti.

Nakaupo si Gwyneth sa couch ng galit na magsalita si Asher, “Dapat magpasalamat ka na ligtas ang baby ni Lia! Kung hindi, hihiwalayan na kita. Mabait si Lia. Sinabi niya na napatawad ka na niya.

“Nangako ako na sa oras na lumipat tayo abroad, sa maliit na villa ka titira at doon kami sa malaki.”

Nanonood si Gwyneth sa TV ng humarap sandali kay Asher. “Paano kung nalaman mo na sinungaling ang taong mahal mo? Mamahalin mo pa din ba siya?”

Sumimangot si Asher, naguluhan sa tanong niya. “Hindi na. Pero bakit ako iibig sa sinungaling? Ginintuan ang puso ni Lia. Mga babaeng tulad lang niya ang gusto ko.”

Yumuko si Gwyneth, itinago ang disappointment na nararamdaman niya. “Asher, mahal natin ang isa’t isa, pero tapos na iyon. Sana tuparin mo ang huling hiling ko bukas.”

Ang hiling lang niya ay pirmahan niya ang divorce agreement.

Nagsalubong ang mga kilay ni Asher, pakiramdam niya namamaalam na si Gwyneth sa kanya. Pero dapat lilipad sila ngayong tanghali abroad.

“Sige na. Tama na. Kunin mo na ang mga gamit mo. Pupunta na tayong airport,” sambit niya.

Nasa airport na sila makalipas ang dalawang oras. Si Asher at Liana ay naglalakad ng magkatabi na parang magkasintahan habang nasa likod nila ni Gwyneth.

Bago pumunta sa security, sinulyapan ni Gwyneth si Asher. “First class ang ticket ninyo, nasa economy ako. Mauna na kayo sa first class security at maghintay sa lounge. Maghihintay ako sa gate.”

Naguluhan si Asher. “Bakit ka pa nagtipid? Hindi naman tayo kulang sa pera.”

Kumaway si Gwyneth sa kanya, iniisip niya. “Paalam, Asher. Hinding hindi na kita makikita ulit.”

Iuupgrade sana ni Asher ang ticket niya ng hatakin siya ni Liana. “Bilisan mo na. Nagugutom ang baby. Dumaan na tayo sa security at kumuha ng makakain sa lounge.”

Sa oras na nakadaan sila sa security, tumalikod si Gwyneth at tumungo sa domestic lane. Hindi nagtagal, nasa eroplano na siya pauwi sa tahanan ng pamilya Payne.

…

Noong umaga, ang flight overseas ay nakababa na.

Bumaba ng eroplano si Asher pero hindi niya makita si Gwyneth. Tinawagan niya ito, pero automatic voice ang narinig niya na sinasabing nakapatay ang phone.

“Anong ginagawa niya? Nagtatampo ngayon? Baka masyado ko siyang naspoil!” walang nagawa si Asher kung hindi umalis.

Isang lalake na naghihintay sa arrival area ang agad na nakakita kay Asher. Matapos tignan ang phone niya at makumpirma na siya si Asher sa litrato, nilapitan niya ang lalake at binigyan siya ng folder.

“Mr. Crowe, kailangan ni Ms. Payne na pirmahan mo ito.”

Umasim ang ekspresyon ni Asher ng makita ang dokumento sa loob ng folder.

Divorce agreement?