Chapter 30

Mabilis na lumipas ang mga araw. S'ya na ang nag-aasikaso sa mga personal na kailangan ng asawa. Damit na susuotin sa pagpasok, almusal na kakainin nito sa umaga, pati ang dinner nito matapos ang trabaho nito sa opisina. Pakiramdam n'ya unti-unti na s'yang nagkakalugar kay Shawn, at natutuwa naman s'ya, kahit papano nagagampanan n'ya ang papel n-ya bilang asawa ni Shawn, at pansin din n'yang mas napapalapit na sila ng asawa sa isat-isa.

Tahimik silang kumakain ni Shawn ng lumapit ang batang kasambahay nila at sinabing may delivery para kay Shawn. Agad n'yang nakita ang brown envelope na hawak ng kasambahay. Naramdaman n'ya ang biglang pagtambol ng dibdib, pamilyar kasi sa kanya ang envelope.

Napalunok s'ya at pakiramdam n'ya hindi s'ya makahinga habang nakatingin sa brown envelope. Dinarasal na huwag naman sana, huwag naman sanang mga bagong larawan n'ya ang nasa loob ng envelope. Unti-unti ng napapalapit sa kanya ang asawa.

"Salamat," pasalamat ni Shawn sa kasambahay at matulin na