Chapter 70

"Daddy!!!" sinalubong ako ni Blake ng mahigpit na yakap, "akala ko hindi ka na po darating. Bakit ngayon ka lang?"

Naisipan kong magluto at dalahin dito kina Justine para naman mawala ang inis ko kay Jhoanna. Matituwa pang tiyak si Blake kapag nakipaglaro ako sa kanya.

"Oo nga eh, pero, kita mo naman, nandito na ako," binuhat ko siya sa aking balikat, "nasaan ang mommy mo?"

"Nasa taas po. Halika, doon tayo. Alam mo daddy, may ipinagawa ang ninang ko dun sa likod." pagmamalaki niya sa akin.

"Ninang Trina?" tanong ko sa kanya.

"Opo, si ninang Trina, ipinagpagawa niya po ako ng playground sa labas. May duyan po ako doon saka slides."

Paglabas namin sa bandang likod, may playground nga doon, na nasa buhanginan. Ang ganda ng landscape, parang nasa jungle.

"Ang ganda ah," kung ganun, may hidden talent pala ang babaeng iyon. "Sinong nagdesign?"

"Kami ni mommy, tapos si tita ang nag asikaso. Ang ganda po ano?" masaya niyang saka siya nagpababa. Tumakbo ang bata patungo sa duya