CHAPTER 1: Offer

Chapter 1

Vivi's POV

"BAKIT PARANG ALAMBRE ANG BUHOK KO?"

Nakatingin ako ngayon sa mirror-mirror on the wall ko sa aking kuwarto habang pinagmamasdan ang sarili ko. Hindi ko maiwasan sumimangot lalo na at nakikita ko kung gaano kapangit ang hitsura ko.

Hindi ko kasi afford ang rebond kaya iyong hair ko ay wala pa ring glow-up hanggang ngayon. Tapos heto pa, may pimples nanaman ako sa noo at ilong ko. 

"Wala bang shortcut para sa glow up?" nakasimangot na tanong ko sa repleksyon ko sa salami. 

"Maligo ka kasi araw-araw."

Napalingon ako sa pinanggalingan ng boses. Sumama ang timpla ng mukha ko nang makita ko ang Kuya Victor ko. Argh! Kakabuwiset talaga siya ha!

Nakasuot lang siya ng sando at batman na boxers short. Sa kanang balikat niya ay may nakasabit ang towel, papunta siguro siya sa banyo. Tapos ay bigla niya akong nakita kasi bukas pinto ng kuwarto ko. Anyway highway, bente-singko na si kuya. May anak na siya na si baby Vic. 

Kahit may anak na siya ay dito pa rin siya naktira sa bahay namin. Syempre, the family that sticks together, stays together.

Okay lang, tatlo lang naman kaming magkapatid. Malaki-laki rin ang bahay namin, kaya nga lang may mga nabubulok na kahoy na. Ancestral house kasi ito na na-renovate ng kaunti. Pamana pa ng lolo ng lolo namin.

"Naliligo naman ako araw-araw—" napatingin ako sa sarili ko at sa damit ko, "—hindi nga lang halata."

Napailing-iling si Kuya Victor. "E 'di bumili ka ng beauty products. Saan ba napupunta mga kita mo kay Bulma?" 

Pinanlakihan ko siya ng mata nang banggitin niya pangalan ni Bulma. Gosh! That annoying buwaya! Argh! User siya! Sana mauntog ang ulo ko sa pader para maalala ko kung bakit ko ba naging kaibigan ko siya at paano kami naging magkaibigan ng bruhang iyon!

"Huwag mo nga banggitin ang pangalan niya! Naiinis lang ako kapag naririnig ko," mataray na sabi ko.

"Akala ko ba ay BFF kayo—"

"Hep! 'Wag mo na ituloy. Naki-cringe ako ha! Lalo lang ako nabubuwiset tuwing naaalalala ko ang panggagamit niya sa akin. Kung hindi lang talaga urgently needed natin no'ng mga panahon na iyon!"

Nagusot naman ang mukha ni Kuya. "Dami mong hugot ngayong araw ah."

"Tse! Alis ka na nga. Pumasok ka na sa banyo. Tsupi!" Lumapit ako sa pinto at padabog na sinara iyon. Napabuga ako nang malalim na hininga at bumalik sa harapan ng salamin ko.

Minsan talaga ay nakakaasaar din ang kagagahan ko. Masyado pa kasi akong bata noon at madaling ma-manipulate. Iyan tuloy ang nangyari. Kaysa dapat ako iyong nasa position ni Bulma e, pero heto ako... loser.

Umupo ako sa kama ko at kinuha sa side table ang cellphone ko. Tapos ay nag-scroll ako sa f******k ko. Puro memes, new chika, appreciation post, motivation, achievements—bigla akong napatigil nang sunod-sunod ang posts patungkol kay Bulma.

"Bulma best romance-fantasy writer ever! I love her stories so much! Bulma Lovers forever! Bulamanatics forever! Bulma's Miloves is still strong," pagbabasa ko sa mga posts about kay Bulma.

Umikot naman ang mga mata. Kulang na lang at isuka ko ang pinagbabasa ko kanina. 

"Akala mo nga naman siya nagsulat e," bitter kong sabi sa screen ng cellphone ko. 

Kaya naman ako ganito, dahil oo... medyo naiinggit nga ako kay Bulma. At the same time, naawa ako sa sarili ko kasi kahit kailan... 'di ko na maaangkin ang para sa akin. Kasi ako dapat ang nasa posisyon ni Bulma.

Bakit? 

Ako lang naman ang nagsulat ng stories niya sa loob ng limang taon. As in lahat, ako nagsulat ng mga iyon! 

Nagsimula matuklasan ni Bulma ang talent ko. Si Bulma kasi, talentless iyon e! Hindi naman sa panlalait, just stating facts lang. Hindi marunong kumanta, sumayaw, mag-drawing, magluto, ni assignment niya ay sa iba niya pa pinagagawa, at higit sa lahat... hindi siya kagandahan. 

T'saka tamang pagnanakaw lang ng mga gawa ko ang crocodile na iyan. Tamang kopya pa!

Parang alambre lang ang hair ko pero mas maganda pa rin ako sa kanya. Mayaman lang talaga siya at may pang-derma, spa, at shopping siya. 

Madali ako makalimot, pero itong ginawa ni Bulma sa akin, hindi ko ito malilimutan. Never!

To cut the story short, nalaman ni Bulma ang talent ko at kinumbinsi niya ako na bibilhin niya mga novels ko. Bale magiging ghost writer niya ako. Syempre noong una, tumanggi ako. 

Suddenly...

Si Tatay ay need maoperahan sa brain. So, need namin ng maraming pera para sa operasyon niya. Kaya ayon, tinanggap ko maging ghost writer ni Bulma at parang siya na rin ang naging "boss" ko. 

Five years iyong kontrata namin tapos may mga quota ako na dapat ko ma-reach. Binili niya rin iyong completed stories ko. Ginawa ko iyan para sa isang milyon. Tapos, wala na akong habol sa stories ko. Nag-boom ang career ni Bulma dahil sa akin. Ngayon, isa na siya sa sikat na authors na may million followers.

Nang matapos ang operasyon ni tatay at maka-recover siya, dagdag pa na tapos na ang kontrata, tinigil ko na ang pagiging ghost writer kay Bulma. At ngayon, wala akong ibang magawa kundi ang mainggit sa kanya.

"Sana makabalik ako ulit sa pagsusulat..." sabi ko sa sarili ko habang nakatingala sa kisame.

Pagkatapos ng kontrata namin ni Bulma, sinubukan ko ulit magsulat. I end up being a frustrated and hopeless writer. Nahirapan ako makabalik sa pagsusulat... bigla akong nawalan ng gana.

Ilang minuto rin akong nakatitig sa kisame hanggang sa mag-ring ang cellphone ko. May tumatawag sa akin na unregistered number.

"Hello?" bungad ko.

"Hi Vivi my friend!" masiglang bati no'ng caller.

Napairap ako nang mapagtanto ko ku g sino ang tumawag. No other than the crocodile and my plastic ex-BFF, Bulma!

"I miss you BFF!" sabi niya sa energetic at may pagka-sweet na tono. Knowing this crocodile, alam ko na tumawag lang ito dahil may kailangan siya. 

"Anong kailangan mo, Bulma?" diretsang tanong ko sa kanya.

Kaya pala crocodile o buwaya ang tawag ko sa kanya, kasi gano'n ang shape ng ngipin niya. Iyon talaga ang asar sa kanya ng mga kaklase namin. Sa totoo lang, mukha siya crocodile na nagkatawang tao.

At talagang pinanindigan pa ng bruha ang pagiging crocodile. Pati sa ugali, nag-reflect! Buwaya kung buwaya talaga iyang si Bulma, paano napakasugapa. Gusto niya kanya lahat, lahat ng gusto niya masusunod, at gusto niya bida siya. 

"E na-miss nga kita," pa-cute na boses niyang sabi.

Gaga, huwag ka ngang plastic!

Napairap ako. "Ano nga? Kung wala ka ng kailangan, ibababa ko na ito—"

"Ay wait, BFF!" pigil niya sa akin.

See? Pusta ako bente, may kailangan ito sa akin.

"I need help e..."

Kitams? Hindi talaga ako nagkakamali sa buwaya na ito. Ganyan naman siya lagi e. Hindi lang naman sa akin, sa maraming tao.

"Kung gusto mo ulit na magsulat ako para sa 'yo, wala kang mapapala sa akin—"

"Vivi, I need you! This time it's not about my writing career. I can handle that."

Wow naman! Ang kapal talag ng balat ng mga buwaya ano? Harap-harapan niya pa talagang sinabi sa akin yan? 

"So, ano nga?" tamad na sabi ko.

"I need to write a biography of high-profile person. He's the most sought bachelor," pahayag niya sa kabilang linya.

"And?"

"You're the only one who can help me."

Napairap ulit ako. "Bakit hindi ka na lang mag-hire ng private investigator na mas professional sa akin, para naman nay silbi iyan pera mo," ani ko.

"I tried! But they all failed! I can fail! This is my last project for this year." Halos maiyak-iyak na siya sa kabilang linya.

"Sila nga nag-fail, ako pa kaya?"

"Pero pwede mo naman i-try, right? Please, give it a chance," pagmamakaawa niya.

Duh! As if naman madadaan niya ako sa paawa effect niya. Mas nakaasar siya kaysa nakakaawa.

"I'm willing to pay one million just for this one!" 

Namilog ang mata ko sa sinabi niya. Totoo ba ang narinig ko? One million for a biography? Grabe naman yata ito. Baka naman ay nabibingi na ako. Nasobrahan yata ako sa kape.

"You heard it right. One million. Isang milyong piso. Just for a biography and an interview record. Are you in or out?" 

Bigla kong naalala ang mga gastusin sa bahay namin. Naalala ko rin iyong mga gamot na kailangan i-maintain ni papa. Hay naku! Sabi ko ay never na ako magpapagamit at papauto sa buwaya na ito. Pero pagganitong usapan, rumurupok ako.

Haler! Pera iyon! Pera!

At iyon ang kailangan ko, ang pera. Kailangan ko iyon para suportahan ang pamilya ko at si papa. Pati na rin ang family ni Kuya Victor, pata kay baby Vic. 

"Okay, I'm in. Send mo na lang sa akin ang details sa messenger," sambit ko at binaba na ang tawag.

Naiinis ako sa sarili ko. Nagpasilawa nanaman  ako sa buwayang iyon. Pero kasi mukhang madali lang naman pinapagawa niya.

Promise, peksman! Itaga sa bago! Last na talaga ito.

Para lang ito sa pamilya ko at pang-maintenance ni papa. Tatapusin ko ito ng mabilis, pagkatapos hindi na ako ulig magpapaloko sa buwaya na iyon. Never ever again! 

Anyway, kaya pala Bulma ang tawag ko sa kanya kasi sa totoo lang ay limot ko na ang real name niya. Hindi ko na talaga maalala. Ang last na pagkaalala ko ay nickname niya iyon na nakuha niya kasi ka-hairstyle niya si Bulma sa Dragonballs. Tapos iyon na rin ang naging pen name.

Tingin ko lagi ko naman nababasa ang name ni Bulma, pero ayon nga... limot ko talaga!

Natigil ako sa pag-iisip ko nang mag-pop up ang chat head na may picture ni Bulma.

Bulma Official Account: Hi BFF! Are you ready na ba para malaman kung sino ang i-interview-hin mo? Hihi.

Napairap ako at nag-type ng reply sa kanya. Ito talagang buwaya na ito, dami pang satsat!

Vivi Javier: Sino ba iyan? Sabihin mo na. Paubos na data ko.

Bulma Official Account: Ang hot-headed mo naman BFF! O siya heto na.

Napairap ako at naghintay ng sunod niyang ise-send na message. Daming alam nitong si Bulma, ayaw na lang sabihin kung sino.

Bulma Official Account sent photo.

Bulma Official Account: O 'di ba? He's so pogi and yummy, BFF!

Naningkit naman ang mata ko. Paano ako makaka-relate sa kanya e naubusan na ako ng data. Blue na rectangle lang nakikita ko. Ngayon oa talaga ako naubusan ng data. Dami kaisng satsat e. Hindi ako relate, mars!

Vivi Javier: Oo nga, pogi nga! Pwede ng Mr. Intergalactic! HAHAHAHA

Sinakyan ko na lang si Bulma. Bahala siya sa buhay niya. Details ang hinihingi ko, picture ang sinend sa akin. Ano gagawin ko sa picture, didilaan?

Bulma Official Account: Gedeon Aris Calviet, The CEO of Aruna Hotels and Casino. This is the biggest hotel and casino in Asia. May other businesses pa siya like cement and hollow blocks. So, naka-stay siya ngayon sa Philippines. Matatagpuan mo siya sa main branch ng company niya sa Quezon City. Get mo ba? 

Oh! Mukhang bigtime itong kailangan na ma-interview ni Bulma. Oh well! Basta alam ko ay kailangan ko puntahan at mahanap ang lalaki na ito.

After talking to Bulma, dumiretso ako para hanapin ang pinakamatino kong dress na isusuot ko bukas. Tapos ay nag-search ako sa g****e kung paano ko pupuntahan iyon Moon Construction Company. Dahil sinusuwerte ako ay nakita ko naman agad. Walang kahirap-hirao ay nag-appear na siya sa g****e maps.

"Madali lang pala hanapin..."

Nang sumapit ang gabi ay mahimbing akong natulog. Ang sarap pala sa pakiramdam na magkaka-one million. 

Kinabukasan, parang flash sa bilis ng kilos ko. Paano ay alas-nueve na ako nagising. Hay naku! Baka mga ala-una na ako makarating sa kompanya ni Mr. Cavet? Cavite? Cav—whatever! Limot ko na! Tignan ko na lang mamaya sa message ni Bulma sa akin.

"Bye ma at pa! Gogora lang ang maganda niyong anak!" paalam ko kila mama at nakipagbeso ako sa kanila.

"Maganda raw," sabat ni Carl. Si Carl ang bunso sa amin. 

"Huwag kang echosero ha! Sige na! Bye na!"

Agad ako sumakay ng taxi papunta sa Moon Construction Company. Nakakagulat at walang traffic. Siguro ay dahil tanghali. Tinatamad pa siguro lumagarga ang mga tao at sasakyan.

Nakarating na ako sa Moon Constarch... wait, mali yata. Nevermind, basta kompanya ni Mr. Cavet. 

Dumiretso ako sa may receiptionist at doon ako nagtanong. 

"Hi! Nandito ba si Mr. Cavet?" tanong ko.

"Po?" 

Kumunot ang noo ng receiptionist. Ayon sa kanyang name tag, Gemma ang name niya. 

Tumikhim ako. "Iyong CEO ng kompanya niyo. Soya ang tinutukoy ko."

"Ahh..." Napatango-tango siya. "Si Mr. Calviet."

"Iyon, tama!" 

"May appointment kayo, ma'am?" tanong niya sa akin.

"Wala e," sagot ko.

"Hindi po kita mai-entertain, ma'am. Strict po si Mr. Calviet sa mga visitors. Need po ng appointment sa secretary niya," paliwanag ng receiptionist.

Gano'n? Ang arte pala ng CEO na ito. Paano na ito? Masasayang pa nga ang punta ko! Kainis! Napapadyak na lang ako. 

"Sorry po talaga, ma'am."

"Okay lang. Saan ba puwede magpa-appointment?" tanong ko.

"Dito po sa email or telephone number na ito." Iniabot niya sa akin ang isang card. Tinanggap ko naman agad iyon.

"Thanks."

Lumapit ako sa gilid kung saan may malaking larawan ng lalaki na naka-frame. Binasa ko ang naka-label sa picture. Gedeon Aris Calviet, CEO, ang nakalagay.

Oh... So, siya pala iyon.

Pinagmasdan ko ang hitsura niya. Well, gwapo pa nga pala talaga si Mr. Calviet. Totoo naman pala ang sinabi ni Bulma. Akalain niyo iyon, nagsabi ng totoo si Bulma? First time in forever.

"Yuck, 'di ka naman guwapo!" pagkausap ko sa poster.

Ginagawa ko lang ito, pampatanggal sama ng loob dahil nasayang ang pagpunta ko. Kasalanan ito ng appointment-appointment na iyon!

"Dami mong arte." Umirap pa ako. "Tubuan ka sana ng maraming pimples." Humalakhak ako ng malakas. Napatingin pa ang receiptionist sa akin.

Wala akong pakialam sa kanila. Ayos din pa ito, nakakawala ng sama ng loob.

"Mabaog ka sana. Tapos magkapantal-pantal ka sa balat. Magka-blackheads at whiteheads ka sana. Hanggang sa wala ng magkagusto sa 'yo." Natawa ako sa pinagsasabi ko.

"Then?"

"Then, tutubuan ka ng tigyawat sa bet—" Napatigil ako sa sinasabi ko nang ma-realize na may nagsalita. 

Nang lumingon ako ay nakita ko ang matangkad na lalaki. Napaawang ang labi ko nang mapagtanto na siya at ang nasa picture ay iisa. Nagpapalit-palit ang tingin ko sa poster at sa kanya.

"Then what? Tell me more, woman."

Napapitlag ako sa lamig at lalim ng boses niya. In an unexplainable reason, it sent shivers to my spine and foreign feelings in my stomach. Shemay! Bakit ako may nararamdaman na ganito?

"Hehe... Sino ka?" pagmamaang-maangan ko.

"I am that man," kaswal niyang sabi.

Alanganin akong napangiti at napakamot sa ulo ko. Goodness! I am so dead!

"I am Gedeon Aris Calviet, the CEO of this company. And, you're inside my property."

©TheDeadlySinner