Chapter 26

Buong maghapon kaming naligo ng swimming pool ni Marco na nasa loob ng villa nila. Mula nang nakita ko kasi si Eunice nawalan na ako ng ganang lumabas baka makita kaming magkasama ni Marco at baka may mapadpad na mga empleyado sa resort. Kahit papaano hindi naman ako nainip kasi may mga oras ding nanunuod kami ng palabas habang kumakain ng pagkain.

"Want some rice?" tanong niya pagkatapos niyang lagyan ng kanin ang plato niya.

Umiling ako agad. Pakiramdam ko parang sasabog na ang tiyan ko sa sobrang busog. Kanina pa kami kumakain. At paniguradong tataba ako kapag siya palagi ang kasama ko.

Nasa villa niya pa rin kami, kumakain ng hapunan. Mag-a-alas siyete na ng gabi at hindi pa rin kami bumabalik sa kabilang resort. Infairness may pagka-boyscout din 'tong si Marco kasi palagi siyang handa. Kahit underwear ay hindi ako nagdala, pero hindi ko aakalaing binilhan niya na pala ako ng mga gamit kahapon. Kaya pala hindi rin siya nag-abalang magdala ng ibang gamit na susuotin niya kasi m