The Deal

Isang araw matapos nilang malaman ang sinapit ng huling lalaking nakasama ni Katarina.

Sa loob ng office ay naroon si Ms Lee at Carusso. Pabalik-balik ang lalaki samantalang nagpapaypay naman si Ms Lee.

"Hindi ka ba talaga titigil diyan sa ginagawa mo?" pagpigil ni Ms Lee sa kasama.

"Siguradong buhay ang babaeng iyon. Wala siya sa crime scene"

"Babalik siya dito kaya kailangan-" hindi na niya natapos pa ang sasabihin ng may mga armadong lalaki ang pumasok sa kanilang office. Kaya tinungo ni Ms Lee ang tabi ni Carusso.

"Sino nagpadala sa inyo dito?"

Biglang niluwa ng pintuang iyon si Sev. Naka-suit ng itim at naglalaro ng baril sa isa nitong kamay.

"Master Sev?" tanging naiusal ni Carusso.

Nakadekwatro itong umupo sa isang upuan na naroon. "Sinabi ko naman sa inyo na ingatan ninyo ang babaeng iyon pero-"

"Kasalukuyan namin siyang hinihintay dahil wala naman siya sa crime-" sabi ni Carusso ngunit hindi na niya ito muli pang naituloy dahil sa tumigil sa paglalaro ng baril si Sev