Chapter 83: Deciding For Himself?

Third-person's Point of View

Matapos ang gabi na maikling nakapag-usap ang mag-ama, hindi maiwasan ni Elyana na hindi paulit-ulit na sulyapan si Felicity habang sila ay nag-aagahan kinaumagahan. Tila naiilang naman ang matchmaker sa tuwing mahuhuli niya nito dahil nasa magkabilang bahagi lamang sila ng mahabang mesa.

Nasa kabisera ang ginoo, nasa kanan ng haligi ng tahanan ang kaniyang maybahay habang nasa tabi nito si Elyana nakaupo Katapat ni Felicity ang ginang at nasa kaliwa siya ng ginoo kaya naman bawat sulyap na galing kay Elyana ay kaniya agad na nakikita.

Hindi lamang niya magawang makapagtanong dahil kasabay nilang kumakain ang ginoo at ginang ngunit nang sandaling ‘yon, kinakati na siyang kalabitin ito gamit ang kaniyang paa mula sa ilalim ng lamesa.

Ilang ulit na niya itong pasimpleng tinataasan ng kilay ngunit hindi naman ito nahinto hanggang sa napansin din ng mag-asawa ang ginagawa ng dalawa. Bahagya siyang natawa. Para tuloy silang mga hibang, mga batang wala pa sa t