Chapter 120

Nagising sya dahil pakiramdam nya may nakatitig sa kanya. Dahan-dahan n'yang iminulat ang kanyang mga mata at agad din naman napapikit dahil sa silaw ng araw na tumatama sa kanyang mukha dahil sa bukas na bintana ng kwarto nila ni Alexandros.

Napaungòl sya ng wala sa oras at tinakpan ang mga mata.

"Good morning, sleepy head." bati sa kanya ni Alexandros.

Inalis naman nya ang braso na s'yang tumatakip sa kanyang mga mata at umupo. Hinanap nya kung asan ang binata dahil ramdam nya na wala ito sa kama.

Nakasandal pala ito sa may piano at nakahalukipkip ang mga braso sa tapat ng dibdib nito. Nakangiti ito at pinagmamasdan sya.

Napanguso sya ng wala sa oras. Bakit ang pogi-pogi pa rin nito kahit sa umaga? Samantalang sya hindi na nya kailangan humarap pa sa salamin para makita ang itsura. Panigurado naman kasi na gulu-gulo ang kanyang buhok. Baka nga may panis pa s'yang laway!

Agad naman n'yang kinapa ang mukha kung meron nga s'yang panis na laway.

Nakarinig sya ng tawa